Goa Weather Updates: राज्यात आज, उद्या पाऊस पडण्याची शक्यता

पणजी: मंगळवार (ता.5) व बुधवार (ता.6) रोजी राज्यात मेघगर्जनेसह पाऊस पडण्याची शक्यता हवामान खात्याच्या वेधशाळेने वर्तविली आहे. पावसादरम्यान ताशी 40 ते 50 कि.मी. वेगाने वारेही वाहण्याची शक्यता आहे. आज राज्यात कमाल 33.6 तर किमान 24.9 अंश तापमानाची नोंद झाली.(Goa Weather Updates)

सततच्या वातावरणातील बदलांमुळे नागरिक त्रस्त आहे. राज्यात उष्म्याच्या प्रमाणात वाढ झाल्याने घराबाहेर देखील पडणे कठीण होत आहे. असह्य उष्म्याने अंगाची लाही-लाही होत असून उकाड्यापासून गारवा मिळावा यासाठी नागरिक शहाळे, उसाचा रस, विविध फळांचे रस आयस्क्रीम आदींना प्राधान्य देत आहेत. त्याचसोबत समुद्र किनारे, गार्डन तसेच थंड हवेच्या ठिकाणी भ्रमंती करणे पसंत करत आहेत.