Happy Birthday Prime Minister Narendra Modi, 5 Interesting Things About PM Modi's Life:
पंतप्रधान नरेंद्र मोदी रविवारी १७ सप्टेंबर रोजी त्यांचा ७३ वा वाढदिवस साजरा करत आहेत. पीएम मोदी यांचा जन्म १७ सप्टेंबर १९५० रोजी गुजरातमधील वडनगर येथे झाला. वडनगर रेल्वे स्थानकावर चहा विकून त्यांनी जीवन सुरू केले.
यानंतर पीएम मोदी राष्ट्रीय स्वयंसेवक संघात दाखल झाले. येथे त्यांनी कार्यकर्ता आणि प्रचारकाची भूमिका बजावली. त्यानंतर काही वेळातच ते गुजरातचे मुख्यमंत्री आणि देशाचे पंतप्रधानही झाले.
पीएम मोदी हे आज जगातील सर्वात लोकप्रिय नेत्यांपैकी एक आहेत. 2001 ते 2014 पर्यंत ते गुजरातचे मुख्यमंत्री होते. 2014 पासून ते आतापर्यंत देशाचे पंतप्रधान आहेत.
पीएम मोदींचा जन्म १७ सप्टेंबर १९५० रोजी गुजरातमधील वडनगर येथे झाला. नरेंद्र मोदी यांचे पूर्ण नाव नरेंद्र दामोदरदास मोदी आहे. त्यांचा जन्म दामोदरदास मूलचंद मोदी आणि हिराबेन यांच्या पोटी झाला. मोदींचे प्रारंभिक शिक्षण वडनगर येथील भागवताचार्य नारायणाचार्य शाळेत झाले.
लहानपणापासूनच त्यांना अभिनय, वादविवाद स्पर्धा आणि नाटकांची खूप आवड होती, त्यातच त्यांनी अनेक पुरस्कार जिंकले आहेत. शालेय शिक्षणादरम्यान पीएम मोदी एनसीसी कॅडेटचा भाग होते.
पंतप्रधान नरेंद्र मोदी त्यांच्या सहा भावंडांमध्ये तिसरे होते. त्याचे वडील वडनगर रेल्वे स्टेशनवर चहा विकायचे. शालेय जीवनात नरेंद्र मोदी वडिलांना त्यांच्या कामात मदत करायचे, जेव्हा कधी ट्रेन प्लॅटफॉर्मवर थांबायची तेव्हा ते त्यात चहा विकायचे.
एका मुलाखतीदरम्यान पीएम मोदींनी सांगितले होते की, ट्रेनमध्ये चहा विकत असताना त्यांना लोकांना समजून घेण्याची संधी मिळाली.
यावेळी अनेकांनी त्यांना शिवीगाळ केली तर अनेकांनी समजावण्याचाही प्रयत्न केला. कधी कधी मुंबईतील व्यापारी मालगाडीने यायचे, आम्ही त्यांना चहा देत त्यांच्याशी बोलायचो, असे पंतप्रधानांनी सांगितले.
पंतप्रधान मोदी लहानपणीच RSS चा भाग बनले होते. 1958 मध्ये दिवाळीच्या मुहूर्तावर गुजरात प्रांताचे प्रचारक लक्ष्मणराव इनामदार यांनी त्यांना बाल स्वयंसेवकाची शपथ दिली आणि त्यानंतर ते हळूहळू संघाचे सक्रिय सदस्य बनले.
सुरुवातीच्या काळात पीएम मोदींना स्कूटर चालवता येत नव्हती तेव्हा, ते त्या काळात भाजप नेते आणि राज्याचे माजी मुख्यमंत्री शंकर सिंह वाघेला यांच्यासोबत फिरत असत.
लालकृष्ण अडवाणी यांना पंतप्रधान नरेंद्र मोदी यांचे राजकीय गुरू मानले जाते. 1985 मध्ये पंतप्रधान मोदींनी राजकारणात प्रवेश केला. यानंतर त्यांना भारतीय जनता पक्षात अनेक मोठ्या जबाबदाऱ्या मिळू लागल्या.
यानंतर 1988-89 मध्ये पीएम मोदींना गुजरात भाजपच्या सरचिटणीसपदाची जबाबदारी मिळाली. 1995 मध्ये पीएम मोदींना त्यांच्या कठोर परिश्रमासाठी भाजपचे राष्ट्रीय सचिव बनवण्यात आले.
2001 मध्ये गुजरातमध्ये झालेल्या भीषण भूकंपानंतर बराच विध्वंस झाला. निष्काळजीपणामुळे तत्कालीन मुख्यमंत्री केशुभाई पटेल यांनी आपल्या पदाचा राजीनामा दिला होता. यानंतर नरेंद्र मोदींना दिल्लीतून गुजरातला पाठवण्यात आले आणि ते पहिल्यांदाच गुजरातचे मुख्यमंत्री झाले. त्यानंतर सलग 13 वर्षे त्यांनी हे पद भूषवले.
2014 मध्ये लोकसभा निवडणुकीत एनडीएने नरेंद्र मोदी यांची पंतप्रधान पदाचे उमेदवार म्हणून निवड केली. 2014 ची निवडणूक भारतीय जनता पक्षाने मोदींच्या नेतृत्त्वाखाली विक्रमी विजय मिळवला. भारतीय जनता पक्षाला 282 जागा मिळाल्या आणि मोदी पंतप्रधान झाले. यानंतर 2019 मध्ये झालेल्या लोकसभा निवडणुकीत पंतप्रधान मोदींनी पुन्हा एकदा इतिहास रचला आणि पंतप्रधानपदाची शपथ घेतली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.