Elon Muks SpaceX Star Link Dainik Gomantak
देश

Starlink In India: भारतात स्टारलिंक इंटरनेट सेवेसाठी मस्क यांच्या कंपनीने पुन्हा केला अर्ज

स्पेसएक्सने मागितला परवाना; जिओ, एअरटेल या कंपन्यांसमोर आव्हान

गोमन्तक डिजिटल टीम

Starlink In India: भारतात स्टारलिंकची इंटरनेट सेवा सुरू करण्यासाठी जगातील सर्वात श्रीमंत व्यक्ती एलन मस्क यांनी पुन्हा तयारी सुरू केली आहे. मस्क यांची कंपनी स्पेसएक्सने यासाठी दुरसंचार विभागाकडे GMPCS परवान्यासाठी पुन्हा अर्ज केल्याची माहिती आहे.

स्टार लिंक ही एलन मस्क यांची उपग्रहाधारित इंटरनेट सेवा आहे. ही सेवा भारतात विस्तार करण्याचा प्रयत्न करत आहे. स्टार लिंक या सेवेला मस्क यांची स्पेसएक्स ही कंपनी चालवते. कंपनीने ग्लोबल मोबाईल पर्सनल कम्युनिकेशन बाय सॅटेलाईट सर्व्हिसेस परवान्यासाठी दुरसंचार विभागाकडे पुन्हा अर्ज केला आहे.

या आधीही कंपनीने भारतात सेवेसाठी प्रयत्न केला होता. गतवर्षी कंपनीने स्टारलिंक इंटरनेट सर्व्हिसेससाठी नोंदणीही सुरू केली होती. तथापि, दुरसंचार विभागाच्या इशाऱ्यानंतर कंपनीने काही दिवसांनंतर प्री बुकिंग बंद केले.

दुरसंचार विभागाने ग्राहकांना स्टारलिंकसाठी नोंदणी न करण्याचा सल्ला दिला होता. कारण कंपनीला परवाना मिळालेला नव्हता. मंजुरी न मिळाल्याने तुमच्या भागात सुविधा उपलब्ध नाही, असे स्टारलिंकने वेबसाईटवर म्हटले होते. आता गेल्या आठवड्यातच स्पेसएक्सने या परवान्यासाठी अर्ज दाखल केला आहे.

जर स्टारलिंकला हा परवाना मिळाला तरी देखील कंपनीला लगेचच इंटरनेट सेवा सुरू करता येणार नाही. कारण कंपनीला भारतीय राष्ट्रीय अंतराळ संवर्धन आणि प्राधिकरण केंद्र (IN-SPACe) विभागाचीही मंजुरी घ्यावी लागेल, गरजेचे स्पेक्ट्रम खरेदी करावे लागतील.

या मंजुरीनंतरही कंपनीला देशात अर्थ स्टेशन स्थापित करावी लागतील. स्पेसएक्स ही अंतराळात लाँचिंग सेवा देणारी जगातील अग्रगण्य कंपनी आहे. आंतरराष्ट्रीय अंतराळ स्टेशन (आयएसएस) पर्यंत अंतराळयात्रींना पोहचविणारी ही खासगी कंपनी आहे.

दरम्यान, भारतात स्पेस टेलिकम्युनिकेशन्सच्या शर्यतीत केवळ एलन मस्क हेच एकटे नाहीत तर जिओ आणि एअरटेल देखील यात आहेत. भारती एअरटेल यासाठी Hughes सोबत जॉईंट व्हेंचरवर काम करत आहे.

भारती एअरटेल आणि जिओने यापुर्वीच परवाना मिळवला आहे. 5G नंतर आता सॅटेलाईट कनेक्टिव्हिटी हा मोठा खेळ असणार आहे. त्यातून ग्रामीण आणि सुदुर भागातही कनेक्टिव्हिटी पोहचवील जाऊ शकेल.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IFFI 2025: '..पुन्हा अभिनेता म्हणून जन्म मिळावा'! सुपरस्टार 'रजनीकांत' यांच्या चाहत्यांचा जल्लोष; जीवनगौरव स्वीकारल्यावर व्यक्त केल्या भावना

Goa ZP Election: जिल्हा पंचायत निवडणुकीबाबत नवी अपडेट! आरक्षणाच्या निर्णयाला आता ‘सुप्रीम’ आव्हान; गंभीर त्रुटी असल्याचा दावा

IFFI 2025 चा दिमाखदार समारोप! रजनीकांत, रणवीरच्या उपस्थितीने लावले चार चांद, ‘स्किन ऑफ युथ’ला गोल्डन पिकॉक तर संतोष दवखर यांना 'गोंधळ'साठी 'रौप्य मयूर'

Ram Statue in Goa: गोव्यात PM मोदींच्या हस्ते आशियातील सर्वात उंच 'श्रीरामांच्या मूर्ती'चं अनावरण

Goa Firing: सत्तरीतील पडोसे गावात पुन्हा गोळीबार! एकाला अटक, एअरगन आणि काडतुसे जप्त; वाळपई पोलिसांकडून पुढील तपास सुरु

SCROLL FOR NEXT