प्रति दहा वर्षांनी होणारी पारंपारिक पद्धतीची जनगणना देशात केली जाते. या द्वारे पहिल्या जनगणेपासुन ते आजपर्यंत सुरुच आहे. मात्र केंद्रीय गृहमंत्री अमित शाह यांनी या प्रक्रियेत बदल होणार असल्याचं स्पष्ट केलं आहे. यापूर्वी ही प्रक्रिया कागदोपत्री केली जायची. पण आता ही जनगणना प्रक्रियेचं डिजिटलायझेशन करण्यात येणार असल्याची घोषणा केंद्रीय गृहमंत्री अमित शाह यांनी केली आहे. (Digital census to be held in the country now - Amit Shah)

या पुढे प्रत्येक जन्म आणि मृत्यू रजिस्टरही करण्यात येणार आहे.असंही त्यांनी सांगितलं.त्यामुळे यापुढे देशात सर्व प्रत्येक जन्म आणि मृत्यूनंतर जनगणना आपोआप अपडेट होणार आहे. केंद्रीय गृह मंत्रालयाने जनगणना प्रक्रिया अधिक सुलभ करण्यासाठी आधुनिक तंत्रांचा वापर करण्याचा निर्णय घेतला आहे. ते आसाममधील डिरेक्टोरेट सेन्सस ऑपरेशन्स इमारतीच्या उद्घाटनप्रसंगी बोलत होते. देशाचा विकास साधायचा असेल तर अद्ययावत जनगणना किती महत्त्वाची आहे, यावर त्यांनी अधिक भर दिला.

संबंधित जनगणना प्रक्रियेला जन्म-मृत्यू रजिस्टरही लिंक केलं जाणार आहे. त्यामुळे बाळाच्या जन्मानंतर त्याचा तपशील जनगणना नोंदणीमध्ये आपोआप जोडला जाईल. संबंधित पाल्य १८ वर्षांचा झाल्यानंतर, त्याचं नाव मतदार यादीत समाविष्ट केलं जाईल आणि त्याच्या मृत्यूनंतर त्याचं नाव यादीतून हटवलं जाईल. तसेच संबंधित व्यक्तीचं नाव आणि पत्ता बदलणं देखील अधिक सोपं होईल. याचा अर्थ आपली जनगणना आपोआप अपडेट होईल,” असंही अमित शाह यावेळी म्हणाले.