विरोधी पक्षनेते राहुल गांधींच्या कारखाली पोलिस कॉन्स्टेबल चिरडल्याचा आरोप भाजपने केला आहे. बिहारमध्य वोट अधिकार यात्रे दरम्यान घडलेल्या या घटनेचा व्हिडिओ भाजपने शेअर केला आहे. ही वोट अधिकार यात्रा नव्हे तर क्रश जनता यात्रा असल्याचे म्हणत भाजपने नेत्याने व्हिडिओ सोशल केला आहे.

भारतीय जनता पक्षाचे प्रवक्ते शहजाद पूनावाला यांनी राहुल गांधींचा हा व्हिडिओ सोशल मीडिया एक्स या प्लॅटफॉर्मवरुन शेअर केला आहे. राहुल गांधी यांच्या कारने पोलिस कॉनस्टेबलला चिरडले. यात कॉनस्टेबल गंभीर जखमी झाला आहे. पण, राहुल कारमधून खाली उतरुन त्यांची चौकशी देखील केली नाही, असे पूनावाला यांनी म्हटले आहे.

बिहारमध्ये निवडणूक आयोगाच्या एसआरएनंतर विरोधकांनी निदर्शने केली. विरोधकांकडून वोट अधिकार यात्रा सुरु करण्यात आली असून. ससाराम येथून १६ दिवसांच्या यात्रेचा शुभारंभ करण्यात आला आहे. या मार्चमध्ये १,३०० किमी अंतर पार केले जाणार आहे. वीस जिल्ह्यातून जाणाऱ्या या यात्रेची पटना येथे ०१ सप्टेंबर रोजी सांगता होईल.

राहुल गांधींनी निवडणूक आयोगावर गंभीर आरोप करत मतदानात छेडछाड आणि लोकशाहीवर हल्ला केल्याचा आरोप केला. राहुल यांनी याबाबत न्यायालयाने देखील दखल घेण्याची गरज व्यक्त केली आहे. लोकशाही धोक्यात असल्याचे म्हणत न्यायालयाने यात लक्ष घालण्याची गरज असल्याचे राहुल गांधी म्हणाले. 

दरम्यान, भाजपने राहुल गांधींच्या आरोपांचे खंडन केले आहे. खोटं बोलून राहुल गांधी निवडणूक आयोगावर प्रश्नचिन्ह उपस्थित करत आहेत. याची जबाबदारी कोण घेणार? राहुल गांधी देशाची माफी मागतील का?  असा सवाल भाजप नेते गौरव भाटीया यांनी उपस्थित केला.