देशाची राजधानी दिल्लीत पुन्हा एकदा कोरोनाच्या रुग्णांमध्ये झपाट्याने वाढ झाली आहे. गेल्या 24 तासांत दिल्लीत कोरोनाचे (corona) 141 नवीन रुग्ण आढळले आहेत. यासोबतच एका कोरोना रुग्णाचाही मृत्यू झाला आहे. सध्या दिल्लीत (Delhi) कोरोनाचे 608 सक्रिय रुग्ण आहेत. त्याच वेळी, कोरोना दर 1.29% आहे.

दरम्यान, गोव्यात आज दिवसभरात 488 जणांची कोरोना चाचणी करण्यात आली होती. त्यापैकी 4 जणांना कोरोनाची (Corona Patients) लागण झाली आहे. आजचा पॉझिटिव्हिटी दर 0.081% इतका आहे. दिवसभरात एकाचाही मृत्यू झाला नाही. गोव्यात आजचा रिकव्हरी दर 98.43% असून 17 सक्रिय रुग्ण आहेत. तर दिवसभरात 14 कोरोनातून बरे झाले आहेत.

दरम्यान, सातत्याने रुग्णसंख्या कमी असल्याने राज्य लवकरच 'मास्क फ्री' करणार असल्याचे म्हटले जात आहे. परंतु याबद्दल अद्याप कोणतीही अधिकृत माहिती समोर आली नाही. पण जी कोरोना रुग्णसंख्या एकेकाळी 3000च्या घरात होती ती रुग्णसंख्या सध्या 10च्या आत असल्याने गोवेकरांना यामुळे दिलासा मिळाला आहे.