यूपी (Uttar Pradesh) निवडणुकीसाठी मतदान प्रक्रिया पूर्ण झाली तर, आज मतमोजणी झाल्यानंतर निवडणुकीचा निकाल जाहीर होणार आहे. त्यामुळे यावेळी जनतेने कोणत्या पक्षाच्या हाती सत्ता दिली हे स्पष्ट होईल. त्याच वेळी, त्यापूर्वी सर्व वृत्तवाहिन्यांचे एक्झिट पोल समोर आले. या वाहिन्यांच्या एक्झिट पोलमध्ये यूपीमध्ये पुन्हा एकदा भाजपचे आघाडी सरकार स्थापन होत आहे मात्र, एक्झिट पोलच्या निकालाने भाजपला आनंद दिला, तर या विजयामागेही अनेक अर्थ दडले आहेत. भाजपसाठी यूपी निवडणुकीत विजयाचा खरा अर्थ काय आहे ते या मधून जाणून घेईयात. (Uttar Pradesh Assembly Election 2022)

खरे तर यूपीमध्ये पुन्हा कमळ फुलले, तर या विजयाचा थेट परिणाम 2024 मध्ये होणाऱ्या लोकसभा निवडणुकीवरती होणार आहे. इतकेच नाही तर भाजपने यूपीचा किल्ला जिंकला तर योगी महाराजांचा राष्ट्रीय स्तरही उंचावला जाणार आहे. यूपीमध्ये भाजपचे सरकार आल्यास योगींच्या रूपाने भाजपला मजबूत चेहरा मिळेल.

मात्र, एबीपीच्या एक्झिट पोलच्या आकडेवारीवरती नजर टाकली, तर यूपीमध्ये भाजपला सर्वाधिक जागा मिळाल्याचे दिसून आले आहे. अखिलेश यादव यांच्या समाजवादी पक्षाला 132 ते 148 जागा, बसपला 13 ते 21 जागा, काँग्रेसला 4 ते 8 आणि इतरांना 2 ते 6 जागा मिळण्याचा अंदाज वर्तवला आहे.

एवढेच नाही तर यूपीमध्ये भाजपला विजय मिळाला तर 2024 च्या निवडणुकीत महाआघाडीला मोठा धक्का बसेल, त्याचबरोबर अध्यक्षपदाच्या निवडणुकीतही भाजपचे वर्चस्व राहणार. पश्चिम बंगालमध्ये 2021 मध्ये झालेल्या निवडणुकीत भाजपचा दारुण पराभव झाला आहे. तर अशा परिस्थितीत भाजपने यूपीमध्ये विजयाचा झेंडा फडकावला तर भाजपचा पराभवाचा आलेखही सुधारेल.