कर्नाटकचे मुख्यमंत्री बसवराज बोम्मई यांनी नुकतीच एक घोषणा केली आहे, या प्रमाणे मंदिरे स्वतंत्र करण्यासाठी राज्य सरकार अर्थसंकल्पीय अधिवेशनापूर्वी कायदा आणणार आहे. बुधवारी हुबळी येथे भाजपच्या कार्यकारिणीच्या बैठकीत बोलताना सीएम बोम्मई (CM Basavaraj Bommai) म्हणाले, "सध्या हिंदू मंदिरे विविध कायदे आणि नियमांद्वारे नियंत्रित केली जातात.

मंदिरे (Temple) स्वतंत्र करण्यासाठी आम्ही अर्थसंकल्पीय अधिवेशनापूर्वी कायदा आणू." पुढे ते म्हणाले, "अनेक धार्मिक स्थळे विविध कायद्यांतर्गत सुरक्षितपणे कार्यरत आहेत आणि तेथे उपासनेचे स्वातंत्र्य देखील आहे. परंतु आपली हिंदू मंदिरे सरकारच्या नियमांनुसार चालविली जातात आणि मंदिरांना स्वतःचा पैसा वापरण्यास मनाई आहे."

बोम्मई म्हणाले, "सरकारी अधिकार्‍यांचे पैसे वापरण्याची मंदिरांची पद्धत संपली पाहिजे. पुढील अर्थसंकल्पीय अधिवेशनापूर्वी सर्व मंदिरे स्वतंत्रपणे काम करतील आणि त्यासाठी आम्ही कायदा करू."