Arvind Kejriwal Taunt: राजधानी दिल्लीत पुन्हा एकदा सरकार आणि उपराज्यपाल यांच्यात शाब्दिक युद्ध सुरु झाले आहे. दिल्लीचे मुख्यमंत्री अरविंद केजरीवाल यांनी नायब राज्यपाल विनय कुमार सक्सेना यांना टोला लगावला आहे. त्यांनी ट्विट करत म्हटले की, 'एलजी साहेब मला रोज जितक्या शिव्या देतात, तितक्या शिव्या माझी पत्नीही देत नाही.'

सीएम केजरीवाल यांनी एलजी साहेबांची खिल्ली उडवली

मुख्यमंत्री केजरीवाल यांनी ट्विटमध्ये म्हटले की, 'एलजी साहेब मला रोज जितकी शिव्या देतात, तितक्या शिव्या माझी पत्नीही देत नाही. गेल्या सहा महिन्यांत एलजी साहेबांनी मला जेतकी लव लेटर लिहिली, तितकी माझ्या पत्नीने देखील लिहीली नाहीत. एलजी साहेब, थोडं शांत राहा आणि तुमच्या सुपर बॉसलाही सांगा, थोडं शांत राहा म्हणून.'

मनोज तिवारी यांनी प्रत्युत्तर दिले

सीएम केजरीवाल यांच्या ट्विटनंतर आरोप-प्रत्यारोपांचा सिलसिला सुरु झाला आहे. भाजप खासदार मनोज तिवारी (Manoj Tiwari) यांनी ट्विट करत केजरीवालांवर टीकास्त्र डागले. ते म्हणाले, 'ही क्षुद्र भाषा अरविंद केजरीवाल (Arvind Kejriwal) यांची मानसिकता दर्शवते. 7 वर्षात एकही विभाग नीट सांभाळता आला नाही. आजपर्यंत एकाही फाईलवर सही केली नाही.'