पश्चिम बंगालच्या मुख्यमंत्री ममता बॅनर्जी यांनी सोमवारी केंद्र सरकारवर राज्याच्या कारभारात हस्तक्षेप करण्यासाठी केंद्रीय एजन्सींचा वापर केल्याचा आरोप केला. भाजपच्या नेतृत्वाखालील सरकार देशाची संघीय संरचना नष्ट करत आहे. इथे एका पत्रकार परिषदेला संबोधित करताना बॅनर्जी यांनी दावा केला की, "भाजपची राजवट अ‍ॅडॉल्फ हिटलर, जोसेफ स्टॅलिन किंवा बेनिटो मुसोलिनीपेक्षा वाईट आहे." (Chief Minister West Bengal Mamata Banerjee Says Bjp Rule Worse Than That Of Hitler And Mussolini)

दरम्यान, लोकशाहीचे रक्षण करण्यासाठी केंद्रीय संस्थांना स्वायत्तता दिली पाहिजे असंही त्या म्हणाल्या. “भाजपच्या (BJP) नेतृत्वाखालील केंद्र सरकार (Central Government) राज्याच्या कारभारात हस्तक्षेप करण्यासाठी केंद्रीय संस्थांचा वापर करत आहे. त्यामुळे देशाची संघीय रचना नष्ट होत आहे. तिथे तुघलकी राजवट लागू असल्याचे ममता बॅनर्जी यांनी यावेळी म्हटले.

ममता बॅनर्जी (Mamata Banerjee) पुढे म्हणाल्या, "एजन्सींना स्वायत्तता दिली पाहिजे आणि कोणत्याही राजकीय हस्तक्षेपाशिवाय निष्पक्षपणे काम करु दिले पाहिजे."