Boy In West Bengal Throws National Flag To The Ground On Independence Day:

भारत आज आपले स्वातंत्र्याचे ७७ वे वर्ष साजरे करत असताना, स्वातंत्र्यदिनी भारतीय राष्ट्रध्वजाचा अनादर करण्याची धक्कादायक घटना समोर आली आहे.

पश्चिम बंगालमध्ये आज ही धक्कादायक घटना घडली. या घटनेचा व्हिडिओ सोशल मीडियावर व्हायरल होत आहे.

व्हिडिओमध्ये एक मुलगा दिसत आहे जो एका घराच्या टेरेसवर चढतो जिथे भारतीय राष्ट्रध्वज आणि भगवा ध्वज फडकवला होता. मुलगा दोन्ही झेंडे काढून जमिनीवर फेकतो. ही संपूर्ण घटना कॅमेऱ्यात कैद झाली आहे.

कॅमेऱ्यात कैद झालेली ही घटना पश्चिम बंगालच्या बसीरहाटमध्ये घडली, ज्यामध्ये हा मुलगा एका इमारतीच्या छतावर चढताना दिसत आहे.

छतावर चढल्यानंतर मुलाने प्रथम भगवा ध्वज छतावरून जमिनीवर फेकून दिला आणि त्यानंतर त्याने राष्ट्रध्वजावर हल्ला केला. त्याने छतावरून तिरंगा काढून जमिनीवर टाकला. त्यानंतर त्यांनी इमारतीवर लावलेली काही पोस्टर्स फाडली.

घटनास्थळी उपस्थित असलेल्या जमावाने मुलाच्या या कृत्याकडे डोळेझाक केली. भगवा ध्वज काढत असताना त्यांनी मुलाला थांबवले असते तर राष्ट्रध्वजाचा अनादर टळला असता.

देश स्वातंत्र्याचे ७७ वे वर्ष साजरे करत असताना राष्ट्रध्वजाचा अवमान होणे अत्यत संतपजनक आहे.

पंतप्रधान नरेंद्र मोदी यांनी आज लाल किल्ल्यावरून देशाला संबोधित केले. तसेच पंतप्रधानांनी राष्ट्रध्वजाबद्दल जनजागृती करण्यासाठी 'हर घर तिरंगा' मोहीम सुरू केली आहे.

'हर घर तिरंगा' (Har Ghar Tiranga) उपक्रमामुळे देशातील प्रत्येक घराघरात तिरंगा पोहोचेल, असे पंतप्रधान म्हणाले.

देशातील राष्ट्रध्वजाचा अनादर होण्याच्या अशा घटना टाळण्यासाठी भारतातील लोकांमध्ये जागृती करणे आवश्यक आहे.