नवी दिल्ली: मोदींच्या मंत्रिमंडळाचा काल विस्तार झाला आहे. पीएम मोदींनी मंत्रीमंडळात एकूण 43 नवीन चेहर्‍यांचा समावेश केला आहे. वेगवेगळ्या राज्यातून येणाऱ्या या मंत्र्यांना खातेवाटप करण्यात आले आहेत. अनेकांनी आजपासून आपले काम देखील सुरू केले आहे. या दरम्यान पश्चिम बंगालमधील भाजपचा मोठा चेहरा समजल्या जाणार्‍या बाबुल सुप्रियो यांना मंत्रिमंडळात स्थान न मिळाल्यामुळे ते नाराज असल्याचे समजतो आहे. सोशल मीडियावरही त्यांनी तशी एक पोस्ट देखील शेअर केली आहे. (BJP leaders were upset after the Union Minister had to leave)

बाबुल सुप्रीयोन यांनी सोशल मीडियावर व्यक्त होताना, “आपल्याला राजीनामा देण्यास सांगण्यात आले त्यामुळे आपण राजीनामा दिला. मात्र नंतर ती पोस्ट हटवल्यानंतर बाबुल यांनी पुन्हा एक पोस्ट शेअर करत लिहिले की, कोठेतरी आग लागली तरच धूर येतो. आज मी माझ्या माध्यमांमधील मित्रांचे फोन सुद्धा घेऊ शकलो नाही. विचार केला की, स्वतःच हे जाहीर कराव कि मी मंत्रिमंडळातून राजीनामा दिला आहे ... (मी पूर्वी सांगितले होते की मला राजीनामा देण्यास सांगितले गेले होते, मात्र हे सांगण्याचा तो योग्य मार्ग नव्हता)

पुढे त्यांनी पंतप्रधान मोदींचे आभार मानले. “पंतप्रधानांच्या मंत्री मंडळाचे सदस्य म्हणून मला देशाची सेवा करण्याची संधी दिल्याबद्दल मी त्यांचे आभार मानतो. मला फार आनंद होत आहे की, आजपर्यंत मी भ्रष्टाचाराची डाग न लागु देता माझ्या मतदारसंघातील जनतेची पूर्ण ताकदीने सेवा केली आहे. बाबुल यांनी पुढे असे लिहिले की बंगालमधून ज्यांना मंत्रीपद मिळाले त्यांना शुभेच्छा. मी नक्कीच माझ्यासाठी दु: खी आहे, परंतु त्यांच्यासाठी आनंदी आहे.

दरम्यान, यामुळे असे स्पष्ट होत आहे की, भारतीय जनता पक्षांच्या केंद्रीय नेत्यांमध्ये मंत्रीपद सोडावे लागल्यामुळे नाराजी आहे.