Bengal Teacher Recruitment Scam: पश्चिम बंगालचे माजी मंत्री पार्थ चॅटर्जी आणि त्यांची सहकारी अर्पिता मुखर्जी यांना आज कोलकाता सत्र न्यायालयात हजर करण्यात आले. न्यायालयाने दोघांनाही 18 ऑगस्टपर्यंत न्यायालयीन कोठडी सुनावली आहे. तत्पूर्वी, कोलकाता येथील विशेष न्यायालयाने बुधवारी माजी मंत्री पार्थ चॅटर्जी आणि अर्पिता मुखर्जी यांच्या अंमलबजावणी संचालनालयाच्या (ईडी) कोठडीत 5 ऑगस्टपर्यंत वाढ केली.

दरम्यान, अर्पिता चॅटर्जी यांना 25 जुलै रोजी शिक्षक भरती प्रकरणाच्या चौकशीच्या संदर्भात अटक करण्यात आली होती. आजच्या सुनावणीत अर्पिता मुखर्जींच्या वकिलाने त्यांच्या जीवाला धोका असल्याचे सांगितले. आम्हाला त्यासाठी डिव्हिजन 1 कैदी श्रेणी हवी आहे.

दुसरीकडे, पार्थ चॅटर्जी (Arpita Mukherjee) यांच्या वकिलाने सांगितले की, 'या प्रकरणी 22 जुलै रोजी ईडीने (ED) त्यांच्या घरावर छापा टाकला तेव्हा काहीही सापडले नाही. गुन्ह्यात सहभागी नसलेल्या व्यक्तीला अडकवण्याचा प्रयत्न केला जात आहे.' चॅटर्जी यांच्या वकिलांनी जामीनासाठी न्यायालयात (Court) अर्ज दाखल केला, तेव्हा ईडीने त्यास विरोध केला.