Samajwadi Party: सपा आमदार आणि माजी मंत्री आझम खान यांना गुरुवारी मोठा झटका बसला. द्वेषपूर्ण भाषण प्रकरणी त्यांना तीन वर्षांची शिक्षा सुनावण्यात आली आहे. त्याचबरोबर त्यांना 25 हजार रुपयांचा दंडही ठोठावण्यात आला. या शिक्षेनंतर आझम खान यांच्या आमदारकीवरही टांगती तलवार आली आहे. आझम खान यांना झालेली शिक्षा हा त्यांच्यासाठीच नव्हे तर समाजवादी पक्षासाठीही मोठा धक्का मानला जात आहे. आझम खान हे अखिलेश यादव यांच्यानंतर सपा पक्षातील दोन नंबरचे नेते मानले जातात.

दरम्यान, गुरुवारी दुपारी दोनच्या सुमारास एमपीएमएलएच्या विशेष न्यायालयाने सुनावणी सुरु केल्यानंतर आझम यांना दोषी ठरवताच ताब्यात घेण्यात आले. चारच्या सुमारास न्यायालयाने हा निकाल दिला. आझम यांच्याविरुध्द तीन कलमांखाली गुन्हा दाखल करण्यात आला होता. या तिन्ही प्रकरणात ते दोषी आढळले आहेत. 2019 च्या लोकसभा निवडणुकीत भडकाऊ भाषण केल्याप्रकरणी आझम यांच्यावर गुन्हा दाखल करण्यात आला होता. आझम खान यांनी भाषणादरम्यान पीएम मोदी आणि सीएम योगी यांच्यावरही आक्षेपार्ह भाषा वापरल्याचा आरोप आहे.

आझम यांची याचिका फेटाळली

यापूर्वी, आझम खान यांनी निकालाची तारीख पुढे ढकलण्यासाठी अर्ज दाखल केला होता. हे प्रकरण उच्च न्यायालयात प्रलंबित असल्याचे त्यांच्या वतीने सांगण्यात आले होते. त्यामुळे निकालाची तारीख वाढवण्यात यावी. मात्र न्यायालयाने (Court) त्यांचा युक्तिवाद फेटाळून लावला.

निवडणुकीदरम्यान आझम यांच्यावर अनेक गुन्हे दाखल आहेत

भडकाऊ भाषणाचे हे प्रकरण 2019 च्या लोकसभा निवडणुकीशी संबंधित आहे. आझम खान लोकसभा निवडणूक लढवत होते. त्यानंतर सपा आणि बसपाची युती झाली होती. आझम खान (Azam Khan) यांनी ही निवडणूक जिंकली होती. निवडणुकीच्या (Election) प्रचारादरम्यान त्यांच्यावर विविध पोलीस ठाण्यात आचारसंहिता भंगाचे अनेक गुन्हे दाखल करण्यात आले होते. त्यातच मिलक कोतवाली येथे ही घटना घडली होती.

दुसरीकडे, घटनात्मक पदावर बसलेल्या लोकांचा आणि तत्कालीन जिल्हा दंडाधिकारी यांच्यावर गैरवर्तन केल्याचा आरोप आहे. धमकावून दंगल भडकवण्याचा प्रयत्न केला. विशिष्ट वर्गाला धर्माच्या नावावर मतदान करण्याचे आवाहन करणे. या आरोपांसह, व्हिडिओ निरीक्षण पथकाचे प्रभारी अनिल कुमार चौहान यांच्या वतीने आझम खान यांच्याविरोधात एफआयआर दाखल करण्यात आला होता.

लोकप्रतिनिधींना शिक्षेची तरतूद

खरे तर लोकप्रतिनिधींसाठी बनवलेल्या कायद्यानुसार आमदाराला दोन वर्षांपेक्षा जास्त शिक्षा झाल्यास त्याचे सदस्यत्व रद्द होते. आझम खान यांच्यासाठी ही मोठी समस्या आहे. यापूर्वी अयोध्येच्या गोसाईगंज विधानसभेतील भाजपचे (BJP) आमदार खब्बू तिवारी यांना आमदारकी गमवावी लागली होती. न्यायालयाने त्यांना दोन वर्षांपेक्षा अधिक काळची शिक्षा सुनावली होती. आझम खान 2019 च्या निवडणुकीत रामपूरमधून खासदार म्हणून निवडून आले होते. या वर्षीच रामपूरमधून आमदार झाल्यानंतर त्यांनी खासदारकीचा राजीनामा दिला होता.