दिल्लीचे मुख्यमंत्री अरविंद केजरीवाल यांनी गुजरात येथील मेहसाणा येथे तिरंगा यात्रा काढली. यावेळी त्यांनी गुजरातचे राजकारण आणि तेथील जनतेला विकासाभिमूख बदल हवा आहे. त्यासाठी सर्व नागरिकांनी आम आदमी पार्टीला निवडणून देणे आवश्यक असल्याचं म्हटलं आहे. कारण जिथे जाल तिथे भाजपवाले गुंडगिरी करतात गुजरातमधील लोक घाबरल्याने त्यांना बदल हवा आहे. असे ते म्हणाले. केजरीवाल यांनी यावेळी वेगवेगळ्या मुद्यांवर भाष्य केले. अहमदाबादमध्ये ते पत्रकारांशी बोलत होते. (Arvind Kejriwal launched Tiranga Yatra at Mehsana in Gujarat )

पुढे बोलताना ते म्हणाले की, मेहसाणामध्ये आम आदमी पार्टीलाने तिरंगा यात्रा काढली आहे. 182 विधानसभांमध्ये गेल्या 20 दिवसांपासून परिवर्तन यात्राही सुरू आहे. तसेच भाजपवाले भाजपच्या विरोधात काहीही बोलले तर मारायला सुरुवात करतात. यावर एकमेव औषध म्हणजे आम आदमी पार्टीला विजयी करणे आवश्यक आहे. असे ते म्हणाले.

याशिवाय काश्मीरच्या मुद्द्यावर बोलताना ते म्हणाले की, काश्मिरी पंडितांची ज्या प्रकारे हत्या केली जात आहे ते योग्य नाही. काश्मिरी पंडितांनी गेल्या 30 वर्षात दोनदा स्थलांतर केले असून हे काम भाजपच्या राजवटीतच झाले आहे. ते म्हणाले की, मी सरकारला आवाहन करतो की, जी काही आवश्यक पावले उचलली जातील आणि काश्मिरी पंडितांना सुरक्षा पुरवावी लागेल.

हिंमत असेल तर तोंडातून माझे नाव घेऊन दाखवा

केजरीवाल म्हणाले की, गुजरातचे खरे मुख्यमंत्री सीआर पाटील आहेत. ते सरकार चालवतात पण माझे नाव घेण्याचे धाडस त्यांच्यात नाही. सीआर म्हणतो की दिल्लीतून ठग येतो पण तो माझे नाव घेत नाही. हिंमत असेल तर तोंडातून माझे नाव घेऊन सीआर पाटील दाखवा, असे ते म्हणाले.

तिरंगा यात्रेदरम्यान शहिदांचे नाव घेऊन त्यांनी भाजपवर निशाणा साधला. दिल्लीतील जवान किंवा पोलीस अधिकारी शहीद झाल्यावर आम आदमी पक्षाचे सरकार त्याला एक कोटी रुपये देते, पण गुजरातमध्ये शहीद झाला असेल तर त्याला फक्त एक लाख रुपये दिले जातात, असे ते म्हणाले.