पंजाब विधानसभा निवडणुकीसाठी चार दिवसांनी मतदान होणार आहे. तत्पूर्वी भाजप, काँग्रेस, आप, अकाली दल या प्रमुख पक्षांनी आपली पूर्ण ताकद पणाला लावली आहे. दरम्यान, आम आदमी पक्षाचे माजी नेते कुमार विश्वास यांनी दिल्लीचे मुख्यमंत्री अरविंद केजरीवाल यांच्यावर गंभीर आरोप केले आहेत. कवी कुमार विश्वास (Kumar Vishwas) म्हणाले की, 'अरविंद केजरीवाल (Arvind Kejriwal) हे खलिस्तानचे समर्थक आहेत, सत्तेसाठी माणूस कोणत्याही थराला जाऊ शकतो.' (Arvind Kejriwal had said that if he does not become CM of Punjab, then Khalistan will become PM.
दरम्यान, कुमार विश्वास यांनी एएनआयशी बोलताना सांगितले की, दिल्लीचे मुख्यमंत्री अरविंद केजरीवाल नेहमीच खलिस्तानचे समर्थन करतात. मी त्यांच्यासोबत असताना ते मला त्यांच्या योजनांबद्दल सांगत. एके दिवशी ते मला म्हणाले, 'मी एकतर पंजाब राज्याचा मुख्यमंत्री होईन किंवा खलिस्तान देशाचा पहिला पंतप्रधान होईन.'
केजरीवाल फुटीरतावाद्यांना पाठिंबा देण्यास प्रतिकूल नाहीत
केजरीवाल यांना फुटीरतावाद्यांची मदत घेण्यात अजिबात संकोच वाटत नाही, असंही विश्वास यावेळी म्हणाले. पंजाबचा विचार केला तर ते राज्य नाही, पंजाब ही भावना आहे. पंजाबियत ही जगभराची भावना आहे. अशा परिस्थितीत, ज्याला मी एकेकाळी फुटीरवाद्यांची बाजू न घेण्याचे सांगितले होते, तेव्हा तो म्हणाला होता की, नाही-नाही होणार.'
पंजाबमध्ये 20 फेब्रुवारीला मतदान होणार
पंजाबमधील सर्व 117 विधानसभा जागांसाठी 20 फेब्रुवारीला मतदान होणार आहे, तर पंजाब विधानसभा निवडणुकीचे निकाल 10 मार्चला लागणार आहेत. विधानसभा निवडणुकीसाठी केजरीवाल यांनी आतापर्यंत मतदारांना आकर्षित करण्यासाठी अनेक आश्वासने दिली आहेत. यामध्ये शेतकऱ्यांना मोफत वीज, पाणी आणि महिलांना दरमहा एक हजार रुपये दिले जाणार असून, महिलांना सक्षमीकरण करणे हा त्यामागचा उद्देश आहे.
जगातील सर्वात मोठी महिला सक्षमीकरण योजना
केजरीवाल यांनी या योजनेबद्दल सांगताना जगातील सर्वात मोठी महिला सक्षमीकरण योजना असल्याचे म्हटले आहे. ते म्हणाले होते की, कुटुंबात तीन महिला असल्या तरी आमचे सरकार प्रत्येक महिलेच्या खात्यात एक ठराविक रक्कम जमा करणार आहोत.
विधानसभा निवडणुकीसाठी भारतीय जनता पक्षाने पंजाबचे माजी मुख्यमंत्री कॅप्टन अमरिंदर सिंग Capt. Amarinder Singh) यांच्या पंजाब लोक काँग्रेस आणि शिरोमणी अकाली दल (United) सोबत युती केली आहे. त्याचवेळी आप आणि काँग्रेसही स्वतंत्र्यरित्या रिंगणात आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.