डेहराडून (Dehradun) येथील सभेत गृहमंत्री अमित शहा (Amit Shah) यांनी काँग्रेसवर (Congress)जोरदार निशाणा साधत तुष्टीकरण करणारे लोक देशाचे कल्याण करू शकत नाहीत असा टोला देखील लगावला आहे. त्याचबरोबर जे रस्ते बंद करून नमाज पढू देतात अणि देशाचे तुष्टीकरण करणारे लोक देवभूमीचे काम कधीच करू शकत नाहीत. निवडणुका आल्या की काँग्रेसला जनतेची आठवण येते.असे म्हणत अमित शाह यांनी कॉंग्रेसला लक्ष केले आहे. (Amit Shah slams congress on Namaz recitation)

"मी आलो तेव्हा माझ्या गाड्यांचा ताफा अचानक थांबला आणि काही लोक मला भेटायला आले तेव्हा मी त्यांना विचारले, काय झाले? तर त्यांनी सांगितले की आज शुक्रवार आहे आणि शुक्रवारी राष्ट्रीय महामार्ग बंद करून तेथे नमाज अदा केली जाते.रस्ते बंद करून नमाजपठणाची परवानगी देणारे आणि तुष्टीकरण करणारे देवभूमीचे काम कधीच करू शकत नाहीत."

"अटलजींनी उत्तराखंड बनवले होते. मोदीजी उत्तराखंडला सजवत आहेत. उत्तराखंडमध्ये पुन्हा भाजपचे सरकार स्थापन होईल. मोदीजी गरीबांच्या घरातून येतात, ते गरिबांचा विचार करतात. घसियारी कल्याण योजनेचा मोठा फायदा राज्यातल्या एक लाख शेतकऱ्यांना होईल. या योजनेचा लाभ घ्या." असे आवाहन देखील अमित शहांनी केले आहे.यावेळी काँग्रेसवर हल्लाबोल करताना अमित शहा म्हणाले की, निवडणूक आली की काँग्रेसवाले लगेच नवीन कपडे शिवून घेतात. मात्र जनतेच्या कल्याणासाठी पाच वर्षे कुठे होतात असा सवाल देखील त्यांनी काँग्रेसला केला आहे. कोरोनाच्या काळात तुम्ही कुठे होता? वेगवेगळ्या मुद्द्यांवर कामगिरी करा. काँग्रेस पक्ष भ्रष्टाचार, घोटाळे, घोटाळे यांचा समानार्थी राहिला आहे.असा थेट आरोप देखील अमित शहांनी केला केलाआहे.

गृहमंत्री अमित शहा म्हणाले की, मोदी सरकारच्या काळात उत्तराखंडमधील सर्व प्राथमिक कृषी सोसायट्या संगणकीकृत करण्यात आल्या आहेत. आता त्यांना थेट केंद्रीय योजनांचा संपूर्ण लाभ मिळणार आहे त्या साऱ्या लोकांना नाबार्डशी जोडण्याचा आमचा मानस आहे. संपूर्ण देशात उत्तराखंड मॉडेलचे पालन केले जाईल. आम्ही दिलेल्या आश्वासनांपैकी 84 टक्क्यांहून अधिक आश्वासनांची पूर्तता झाल्याचा दावा त्यांनी केला आहे. ते म्हणाले की, काँग्रेस पक्ष हा आश्वासने झुगारणारा पक्ष आहे.