असदुद्दीन ओवैसी (Asaduddin Owaisi) यांच्या पार्टी ऑल इंडिया मजलिस-ए-इत्तेहादुल (AIMIM) चे व्हेरिफाईड ट्विटर (Twitter) हँडल हॅक (Hack) करण्यात आले. हॅकर्सनी या अकाउंटचे नाव बदलून ‘एलॉन मस्क' केले आणि एलॉन मस्क यांचा फोटो प्रोफाईल फोटो ठेवण्यात आला आहे. एलॉन मस्क हे जगभरात प्रसिद्ध असलेले एक व्यक्तीमत्व असुन टेस्ला कंपनीचे ते मालक आहेत. (AIMIM party Twitter account has been hacked)

रविवारी हे अकाउंट हॅक झाले असुन अद्याप पर्यंत (4:40 वाजेपर्यंत) ते अकाउंट पुर्ववत करण्यात आलेले नाही. हॅकर्सने एलॉन मस्क यांचा फोटो का लावला असावा हे मात्र समजु शकलेले नाही. तर दुसरीकडे नेटकऱ्यांनी मात्र यावरुन वेगवेळे मीम तयार केले असल्याचे पहायला मिळते आहे.

दरम्यान हे अकाउंट हॅक झाल्यानंतर त्यावरुन क्रिप्टोकरंसीशी संबंधीत काही मजकुर टाकण्यात आला आहे. हे अकाउंट हॅक का करण्यात आले किंवा त्यामागचा हेतु काय हे अद्याप समजु शकलेले नाही.