Hospital  Dainik Gomantak
देश

चिंतेत भर! दिल्लीत मंकीपॉक्सचा 5वा रुग्ण आढळला, 22 वर्षीय महिला एलएनजेपी रुग्णालयात दाखल

कोरोनाची भिती लोकांच्या मनातून कमी होताच एका नवीन रोगाने तोंड वर काढले आहे.

दैनिक गोमन्तक

कोरोनाची भिती लोकांच्या मनातून कमी होताच एका नवीन रोगाने तोंड वर काढले आहे. दिवसेंदिवस वाढत चाललेल्या या मंकीपॉक्स रोगाचा दिल्लीमध्ये पाचवा रुग्ण आढळून आला आहे. नायजेरियाला गेलेल्या आफ्रिकन वंशाच्या 22 वर्षीय महिलेला मंकीपॉक्सची पुष्टी झाल्यानंतर उपचारासाठी एलएनजेपी रुग्णालयात दाखल करण्यात आले आहे. तसेच सर्व बाधित आणि संशयित रुग्णांवर डॉक्टरांचे पथक उपचार करत आहे. (Add to the concern 5th monkeypox patient found in Delhi 22 yeas old woman admitted to LNJP hospital)

एलएनजेपी रुग्णालयाचे वैद्यकीय संचालक डॉ. सुरेश कुमार यांनी शनिवारी सांगितले की, दिल्लीत मंकीपॉक्सचा 5 वा रुग्ण आढळून आला आहे. डॉ. सुरेश कुमार यांनी सांगितले की, शुक्रवारी 22 वर्षीय महिलेचे नमुने पॉझिटिव्ह आले असून ती सध्या रुग्णालयात डॉक्टरांच्या देखरेखीखाली उपचार घेत आहे.

4 रुग्ण रुग्णालयात दाखल असून एकाला डिस्चार्ज देण्यात आला. तर दिल्लीत मंकीपॉक्सचे एकूण पाच रुग्ण आढळून आले आहेत. काल ती 22 वर्षिय महिला पॉझिटिव्ह आली आहे. डॉक्टरांचे पथक त्यांच्यावर उपचार करत आहेत. त्यांनी असेही नमूद केले की महिलेचा कोणताही अलीकडे प्रवास केलेला नाही परंतु तिने एक महिना आधी प्रवास केला होता.

जागतिक आरोग्य संघटनेने आंतरराष्ट्रीय चिंतेची सार्वजनिक आरोग्य आणीबाणी घोषित केल्याच्या एका दिवसानंतर, या वर्षी 24 जुलै रोजी दिल्लीत मांकीपॉक्सच्या पहिल्या प्रकरणाची पुष्टी झाली आहे. केंद्र सरकारने (Central Government) भारतात विषाणूचा प्रसार रोखण्यासाठी अनेक मार्गदर्शक तत्त्वे जारी केली होती, त्यापैकी एक म्हणजे देशात प्रवेश करताना नियम पाळणे.

आंतरराष्ट्रीय प्रवाशांना आजारी व्यक्ती, मृत किंवा जिवंत वन्य प्राणी आणि इतर लोकांशी जवळचा संपर्क टाळण्याचा सल्ला दिला आहे. भारतातील मंकीपॉक्सचे पहिले प्रकरण 14 जुलै रोजी केरळमधील कोल्लम जिल्ह्यात आढळून आले. वर्ल्ड हेल्थ ऑर्गनायझेशनच्या मते, मंकीपॉक्स हा एक विषाणूजन्य झुनोसिस म्हणजेच प्राण्यांपासून मानवांमध्ये पसरलेला विषाणू आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Suryakumar Yadav Controversy: पाकची तक्रार फोल! 'सूर्या' फायनल खेळणार, उलट पाकिस्तानच आला अडचणीत; 'त्या' 2 खेळाडूंवर कारवाईची टांगती तलवार

'तू मूर्ख, देवाने तुला अक्कल कमी दिली; पक्षाच्या कार्यकर्त्यांवर बोलशील तर...',शेर्लेकरांना भाजप नेत्याने दिलेल्या धमकीचा फोन कॉल समोर Audio

Goa Tourism: यंदाचा पर्यटन हंगाम जोरात! रशियाहून आठवड्याला 9 विमाने गोव्यात येणार; कझाकिस्तानहूनही सुरु होणार चार्टर सेवा

Horoscope: मेष, कर्कसह 'या' 4 भाग्यवान राशींसाठी आजचा दिवस 'गोल्डन' ठरणार! अचानक धनलाभाचे योग आणि करिअरमध्ये प्रगती निश्चित

India vs Pakistan: टीम इंडियाला हरवण्यासाठी पाकड्यांचा 'मास्टरप्लॅन', शोएब अख्तर, म्हणाला, 'त्या' फलंदाजाला 2 ओव्हर्समध्ये आउट करा

SCROLL FOR NEXT