नवी दिल्ली : सोमवारी सकाळी दिल्ली विमानतळावर प्रवाशांनी भरलेले विमान पुशबॅक करताना विजेच्या खांबाला धडकल्याने एकच खळबळ उडाली. मात्र, सुदैवाने मोठी दुर्घटना घडली टळली असून प्रवाशी बालबाल बचावले. (A SpiceJet flight collided with an electric pole at the Delhi airport during pushback)

मिळालेल्या माहितीनुसार, स्पाइसजेटचे विमान दिल्लीहून (Delhi) प्रवाशांना (Passengers) घेऊन श्रीनगरला (Shrinagar) जात होते. यावेळी सकाळी ९.२६ वाजता हा अपघात झाला. पुशबॅक दरम्यान, विमान प्रवासी टर्मिनलवरून धावपट्टीकडे जात असताना विजेच्या (Electricity) खांबाला धडकले.

यावेळी विमानात प्रवासी होते, मात्र त्यांचे कोणतेही नुकसान झाल्याचे वृत्त नाही. या घटनेची माहिती मिळताच स्पाइसजेटने (SpiceJet) विमान बदलले आणि त्यानंतर ते उड्डाण केले. DGCAकडून मिळालेल्या माहितीनुसार, स्पाइसजेटच्या बोईंग 737-800 चा उजवा विंग विजेच्या खांबाला धडकला आणि त्याचे नुकसान झाले.

स्पाइसजेटने एक निवेदन केले जारी

या घटनेनंतर, स्पाइसजेटच्या प्रवक्त्याने कंपनीच्या वतीने एक निवेदन जारी केले की, त्यात 28 मार्च रोजी स्पाईसजेटचे फ्लाईट एसजी 160 दिल्लीहून जम्मूला जाणार होते. पुश बॅक करताना विमानाचा (SpiceJet flight) उजवा पंख खांबाला आदळल्याने आयलरॉनचे नुकसान झाले. त्यामुळे सेवा सुरळीत ठेवण्यासाठी दुसऱ्या विमानाची व्यवस्था करण्यात आली.