केरळमध्ये पत्नींच्या अदलाबदलीसाठी चालवले जाणारे मोठे रॅकेट उघडकीस आले आहे. यासाठी व्हॉट्सअॅप आणि मेसेंजरवर ग्रुप तयार करण्यात आले होते, ज्यामध्ये सुमारे एक हजार लोकांना जोडण्यात आले होते. पती पत्नी एक्सचेंज रॅकेटमध्ये सामील असलेल्या 7 जणांना पोलिसांनी कोट्टायम येथून अटक केली आहे. 25 हून अधिक लोक पोलिसांच्या निगराणीखाली आहेत. एका महिलेने तिच्या पतीविरुद्ध पोलिसात तक्रार नोंदवल्यानंतर ही अटक करण्यात आली आहे की तो तिला इतर पुरुषांशी लैंगिक संबंध ठेवण्यास भाग पाडत आहे.

यापूर्वी कायमकुलम येथूनही अशीच एक घटना समोर आली होती. या प्रकरणी चांगनचेरीचे डेप्युटी एसपी आर श्रीकुमार म्हणाले- "आधी ते टेलीग्राम (Telegram) आणि मेसेंजर ग्रुपमध्ये सामील व्हायचे आणि नंतर एकमेकांना भेटायचे. आम्ही तक्रारदाराच्या पतीला अटक केली आहे. यामागे एक मोठे रॅकेट आहे आणि आम्ही तपास करत आहोत. या प्रकरणातील उर्वरित आरोपींचा शोध सुरू आहे. अटक करण्यात आलेले लोक केरळमधील (Kerala) अलाप्पुझा, कोट्टायम आणि एर्नाकुलम (अलाप्पुझा, कोट्टायम, एर्नाकुलम) येथील रहिवासी आहेत. राज्यातील अनेक उच्चभ्रू वर्गातील लोक या रॅकेटचा भाग असल्याची माहिती पोलिसांनी दिली आहे.

आतापर्यंत सात जणांना अटक करण्यात आली आहे, तर 25 हून अधिक लोक पोलिसांच्या निगराणीत आहेत. येत्या काही दिवसांत आणखी अटक होण्याची शक्यता आहे. या रॅकेटचे व्हॉट्सअॅप ग्रुप आणि मेसेंजर ग्रुपमध्ये 1000 हून अधिक सदस्य असल्याचा संशय आहे. रिपोर्टनुसार, कोट्टायम येथील एका महिलेने पोलिसात (police) तक्रार दाखल केली की, तिचा पती तिच्यावर दुसऱ्या पुरुषासोबत शारीरिक संबंध ठेवण्यासाठी दबाव टाकत होता. महिलेच्या तक्रारीनंतर पोलिसांनी पती आणि मित्रांना अटक केली. या अटकेनंतर पोलिसांना 'एक्सचेंज रॅकेट'ची माहिती मिळाली. केरळ पती पत्नी एक्सचेंज रॅकेटमध्ये हजाराहून अधिक लोक सामील आहेत, ज्यामध्ये शारीरिक संबंधांसाठी महिलांची मोठ्या प्रमाणावर देवाणघेवाण केली जात असल्याचे सांगितले जात आहे. पोलिसांनी दिलेल्या माहितीनुसार, हे संपूर्ण रॅकेट टेलिग्राम आणि इतर ऑनलाइन मेसेंजर अॅप्लिकेशन्सच्या माध्यमातून चालते. सध्या तपास सुरू आहे.