5G Services in India: भारतातील ऑक्टोबर 2022 पासून 5G सेवेला अधिकृतरित्या सुरवात झाली. दुरसंचार विभागाच्या घोषणेनुसार देशात सुरवातीला 13 शहरांमध्ये ही सेवा सुरू होणार होती. यात अहमदाबाद, बंगळूर, चंदीगड, गांधीनगर, गुरुग्राम, हैदराबाद, जामनगर, कोलकाता, चेन्नई, लखनौ, पुणे, दिल्ली आणि मुंबईत ही सेवा सुरू होणार आहे.

तथापि, सरकारने सांगितलेल्या सर्व शहरात अद्याप कनेक्टिव्हिटीचा पर्याय उपलब्ध नाही. त्यामुळे सध्या एअरटेल आणि जिओ या सेवा पुरवठादारांनी निवडक ठिकाणी 5G सेवेस सुरवात केली आहे. \

जिओने ऑक्टोबर 2022 पासून मुंबई, दिल्ली, वाराणसी आणि कोलकाता येथे 5G सेवा नेटवर्क उपलब्ध केले आहे. तर एअरटेलने दिल्ली, मुंबई, चेन्नई, बंगळूर, हैदराबाद, सिलीगुडी, नागपुर आणि वाराणसी येथे ५ जी प्लॅन लाँच केले आहेत. जिओ आणि एअरटेल टप्प्याटप्प्याने एकाएका शहरात ५जी नेटवर्क पुर्ण करत आहेत.

व्होडाफोन आयडीयाने मात्र आत्तापर्यंत त्यांच्या 5G रोलआऊट तारखेची घोषणा केलेली नाही. तथापि आगामी आठवड्यात किंवा पुढील आठवड्यात ते 5G रोलआऊट जाहीर करतील. सर्व युजर्सना 5G स्मार्टफोन वापरणाऱ्या सर्व युजर्सना सध्या तरी 5G इंटरनेट सेवा मिळत नाही आहे. ज्या शहरांमध्ये ही सेवा सुरू करण्यात आली आहे, आणि आगामी काही महिन्यात 5G सेवा मिळणार आहे, अशा शहरांची यादी खाली देत आहोत.

5G सेवा असलेली शहरे

दिल्ली, मुंबई, वाराणसी (जिओ आणि एअरटेल), कोलकाता (जिओ), चेन्नई , बंगळूर, हैदराबाद, सिलीगुडी, नागपूर (सर्व एअरटेल)

या शहरात लवकर सुरू होणार 5G सेवा

अहमदाबाद, चंदीगड, गांधीनगर, गुरुग्राम, हैदराबाद, पुणे (सर्व जिओ आणि एअरटेल), जामनगर, चेन्नई, लखनौ, बंगळूर (सर्व जिओ), कोलकाता (Airtel)

दरम्यान, दुरसंचार विभागाच्या माहितीनुसार 2 ते 3 वर्षात 5G कनेक्टिविटी देशभरात लागू होईल. जिओने 5G प्लॅननुसार जिओ डिसेंबर 2023 पर्यंत भारतभरात ही सेवा देण्याची तयारी करत आहे. तर एअरटेल या वर्षाच्या अखेरपर्यंत देशातील सर्व प्रमुख शहरात 5G उपलब्ध करणार आहे.

नवे सिम खरेदी करावे लागणार नाही

जिओ आणि एअरटेलच्या घोषणेनुसार जे युजर सध्या 4G सिम वापरतात त्यांना 5G सेवेसाठी नवे सिम कार्ड खरेदी करावे लागणार नाही. 5G सपोर्ट असणारे स्मार्टफोन डिफॉल्ट सिममध्ये ऑटोमेटिकली 5G नेटवर्कशी कनेक्ट होतील.