अ‍ॅमेझॉनचे (Amazon) संस्थापक जेफ बेझोस (Jeff Bezos) आपल्या पदावरून पायउतार होणार आहेत. जेफ बेजोसनंतर अँडी जॅसी (CEO Andy Jassy) हे अ‍ॅमेझॉनचे नवे सीईओ असणार आहे. अँडी जॅसी 5 जुलैपासून मुख्य कार्यकारी अधिकारी म्हणून कार्यभार स्वीकारणार आहेत. जेफ बेझोस यांनी माध्यमांना ही माहिती दिली आहे. (What will Jeff Bezos do after leaving Amazon's CEO position)

57 वर्षीय जेफ बेजोसनंतर अ‍ॅमेझॉन वेब सर्व्हिसेस (AWS) चे मुख्य कार्यकारी अधिकारी अँडी जॅसी यांनी या कंपनीचे सूत्रे स्वीकारले. अँडी जॅसी 20 वर्षांपासून कंपनीची धूरा सांभाळत आहेत. मुख्य कार्यकारी अधिकारी म्हणून पद सोडल्यानंतरही जेफ बेझोस हे अ‍ॅमेझॉन मंडळाचे कार्यकारी अध्यक्ष म्हणून कायम राहतील.

मुख्य कार्यकारी अधिकारीपद सोडल्यानंतर जेफ बेझोस इतर अनेक गोष्टींवर लक्ष केंद्रित करणार आहेत. त्यांनी यासंदर्भात माहिती दिली आहे. कारण अ‍ॅमेझॉनचा संस्थापक आता निवृत्त झाल्यानंतर काय करेल असा प्रश्न अनेकांना पडला होता.

पद सोडल्यानंतर जेफ बेझोस करणार काय?

जेफ बेझोस अवकाशात जाणार आहेत याची बर्‍यापैकी चर्चा झाली. यासाठी त्यांनी ब्लू ओरिजिनमध्ये (Blue Origin ) कोट्यवधी डॉलर्स खर्च केले आहेत जेणेकरुन अवकाश पर्यटन आणि पायाभूत सुविधांना चालना मिळेल. जेफ बेझोस यांनी याबद्दल प्रथम घोषणा केली होती की, ते ब्लू ओरिजिनच्या न्यू शेपर्ड स्पेस कॅप्सूलमधून अवकाशात जाणार आहेत.

जेफ बेझोसने नुकताच ड्वेन 'द रॉक' जॉनसनबरोबर (Dwayne ‘The Rock’ Johnson) एक सेल्फी शेअर केला आहे. रिपोर्ट्सनुसार अ‍ॅमेझॉन स्टुडिओ आणि जॉन्सनची कंपनी सेव्हन बक्स प्रॉडक्शन या दोघांनीही या चित्रपटाच्या निर्मितीसाठी भागीदारी केली आहे.

जेफ बेझोस आता वॉशिंग्टन पोस्ट वृत्तपत्रावर देखील अधिक लक्ष देतील. त्यांनी 2013 मध्ये ही वृत्तपत्र कंपनी २$० दशलक्ष डॉलर्समध्ये खरेदी केली होती. याशिवाय ते समाज आणि मानवतेच्या विकासावरही लक्ष देणार आहे.