Ayushman Bharat Digital Mission Dainik Gomantak
अर्थविश्व-

'या' योजनेला मंत्रिमंडळाची मंजुरी, तुमचा फायदा कसा जाणून घ्या

आयुष्मान भारत डिजिटल मिशन अंतर्गत 17 कोटींहून अधिक खाती उघडण्यात आलीत

दैनिक गोमन्तक

केंद्रीय मंत्रिमंडळाने आयुष्मान भारत डिजिटल मिशनला मंजुरी दिली आहे. ज्यामध्ये पुढील पाच वर्षांसाठी सुमारे 1,600 कोटी रुपयांची आर्थिक तरतूद करण्यात आली आहे. एका अहवालानुसार, पंतप्रधान नरेंद्र मोदी यांच्या अध्यक्षतेखाली झालेल्या बैठकीत आयुष्मान भारत डिजिटल मिशनला ग्रीन सिग्नल देण्यात आला आहे. यामुळे आता तुमच्या आरोग्याशी संबंधित सर्व माहिती डिजिटल होणार आहे.

चांगले उपचार

सरकारने दिलेल्या निवेदनानुसार, आयुष्मान भारत डिजिटल मिशनच्या मदतीने आता दूरवरच्या भागात राहणाऱ्या लोकांपर्यंत पोहोचणे सोपे होणार आहे. त्याचबरोबर रुग्णांची माहिती ऑनलाइन असल्याने त्यांना त्यांचे उपचार अधिक चांगल्या पध्दतीने करता येणार असून त्याचवेळी त्यांना कुठेही जाऊन सहज उपचार घेता येणार आहेत.

आयुष्मान भारत आरोग्य खात्याचे फायदे

तुम्‍हाला तुमच्‍या मोबाईल फोनमध्‍ये तुम्‍हाला हवं असलेल्‍या वैयक्तिक आरोग्‍य नोंदी पाहता येतील.

आता तुम्हाला भौतिक फाइल्स घेऊन जाण्याची गरज नाही.

या खात्यावर नॅशनल डिजिटल (Digital) हेल्थ सिस्टीमच्या सर्व सुविधा एकाच वेळी घेता येतील.

आयुष्मान भारत अॅपवर आरोग्य खाते कसे तयार करावे

ABHA क्रमांक तयार करण्यासाठी, तुम्हाला आधार क्रमांक वापरावा लागेल.

याशिवाय नाव, जन्मतारीख, लिंग, पत्ता याची माहिती द्यावी लागेल.

जर तुमच्याकडे आधार क्रमांक नसेल तर तुम्हाला ड्रायव्हिंग लायसन्स किंवा मोबाईल नंबर द्यावा लागेल.

हा क्रमांक तुम्हाला आरोग्य सेतू अॅपमध्येच दिसेल.

वापरकर्ते त्यांचा ABHA क्रमांक ABHA अॅपवर किंवा abdm.gov.in/ वर जनरेट करू शकतात.

आयुष्मान भारत डिजिटल मिशन काय आहे?

आरोग्य (Health) क्षेत्राचे डिजिटलायझेशन करण्यासाठी भारत सरकारने (Government) या मिशनद्वारे एक मोठे पाऊल उचलले आहे. याच्या मदतीने सर्व रुग्णांचे आरोग्य ओळखपत्र तयार केले जाईल. ज्यावर रुग्णांच्या उपचारांचा आणि त्यांच्या औषधांचा संपूर्ण डेटा उपलब्ध करून दिला जाईल. याच्या मदतीने त्यांना हव्या त्या ठिकाणी जाऊन सहज उपचार करता येणार आहेत. पंतप्रधान नरेंद्र मोदी (Narendra Modi) यांनी 15 ऑगस्ट 2020 रोजी आयुष्मान भारत डिजिटल मिशनची घोषणा केली. त्यानंतर सहा केंद्रशासित प्रदेशांमध्ये याची अंमलबजावणी करण्यात आली आणि आता त्याला मंत्रिमंडळाची मंजुरीही मिळाली आहे.

17 कोटींहून अधिक खाती उघडण्यात आली आहेत

आयुष्मान भारत डिजिटल मिशन अंतर्गत आतापर्यंत सुमारे 17 कोटी आरोग्य खाती तयार करण्यात आली आहेत आणि आतापर्यंत 10 हजारांहून अधिक डॉक्टर आणि 17 हजारांहून अधिक प्रकारच्या आरोग्य सुविधा या मिशनमध्ये जोडल्या गेल्या आहेत. ही संख्या आणखी वाढवण्यासाठी आणखी अनेक नवीन पावले उचलली जातील.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa ITI: ‘आयटीआय’ करणाऱ्यांसाठी खूशखबर! 2 वर्षांच्‍या कोर्सनंतर मिळणार दहावी, बारावी उत्तीर्ण प्रमाणपत्र; मुख्‍यमंत्र्यांची घोषणा

Vishwajit Rane: ..तर वेगळा 'गोवा' पाहायला मिळेल! आरोग्यमंत्री राणेंचे स्वच्छता अभियान; पणजी बसस्‍थानकावर केली साफसफाई

Goa Rain: सांगितला पाऊस, पडले 'कडकडीत' ऊन! ‘यलो अलर्ट’ घेतला मागे; 4 दिवस मध्यम पावसाची शक्यता

Goa Live Updates: दुचाकीस्वारावर झाड कोसळले

Ramen Health Risks: नूडल्स वाढवतात अकाली मृत्यूचा धोका? जपान विद्यापीठांच्या नव्या अभ्यासात धक्कादायक माहिती उघड

SCROLL FOR NEXT