नवी दिल्ली: आर्थिक धोरण (Economic policy) जाहिर करताना आरबीआयचे गव्हर्नर शक्तिकांत दास (RBI Governor Shaktikant Das) यांनी 2021-22 मध्ये देशाचा जीडीपी (GDP) वाढीचा अंदाज 9.5 टक्के असा कायम ठेवला आहे. मध्यवर्ती बँकेने 2021-22 च्या पहिल्या तिमहीमध्ये जीडीपी वाढीचा अंदाज 21.4 टक्के केला असून, उर्वरित तीन महिन्यांसाठी हा अंदाज कमी करण्यात आला आहे. RBI ला 2022-23 मध्ये 17.2 जीडीपी टक्क्यांनी वाढण्याची अपेक्षा आहे. असे आरबीआयचे गव्हर्नर शक्तिकांत दास यांनी सांगितले.

सीपीआय चलनवाढीचा अंदाज 2021-22 दरम्यान 5.7% आहे. यात Q2 मध्ये 5.9%, Q3 मध्ये 5.3% आणि 2021-22 च्या Q4 मध्ये 5.8% असा आहे. 2022-23 च्या पहिल्या तिमाहीत CPI चलनवाढीचा अंदाज 5.1% इतका असेल. असेही दास यांनी नमूद केले.