SBI-PNB-BoB Rating: स्टेट बँक ऑफ इंडिया, पंजाब नॅशनल बँक (PNB) सह अनेक सरकारी बँकांसाठी महत्त्वाची बातमी आहे. तुमचेही यापैकी कोणत्याही सरकारी बँकेत खाते असल्यास ही महत्त्वाची गोष्ट जाणून घ्या… SBI, PNB, कॅनरा बँक आणि बँक ऑफ बडोदा यांच्या रेटिंगमध्ये सुधारणा झाली आहे. रेटिंग एजन्सी मूडीजने शुक्रवारी याबाबत माहिती दिली.

SBI चे रेटिंग काय आहे?

या सर्व सार्वजनिक क्षेत्रातील बँकांचे दीर्घकालीन रेटिंग स्थिर असल्याचे मूडीज इन्व्हेस्टर्स सर्व्हिसने एका निवेदनात म्हटले आहे. मूडीजने SBI ची दीर्घकालीन स्थानिक आणि विदेशी चलन बँक ठेव रेटिंग Baa3 वर कायम ठेवली आहे, तर इतर तीन PSB ने त्यांचे दीर्घकालीन ठेव रेटिंग अपग्रेड केले आहेत.

कॅनरा आणि पीएनबीचे रेटिंग काय आहे?

SBI चे दीर्घकालीन रेटिंग BAA3 वर कायम ठेवणे आणि बँक ऑफ बडोदा (Bank of Baroda), कॅनरा बँक आणि PNB यांचे दीर्घकालीन ठेव रेटिंग BAA1 वरुन BAA3 वर श्रेणीसुधारित करणे भारताच्या स्थूल आर्थिक दृष्टीकोनातील सुधारणा दर्शवते. हे देखील गरजेच्या वेळी बँकांना उच्च पातळीवरील सरकारी मदतीची धारणा प्रतिबिंबित करते.

भारतीय अर्थव्यवस्था चांगली होईल

आर्थिक वृध्दी आणि जागतिक मंदीचा भारताच्या आर्थिक विकासावर परिणाम होईल, पण भारतीय अर्थव्यवस्था इतर उदयोन्मुख अर्थव्यस्थेपेक्षा चांगली कामगिरी करेल, असे मूडीजने म्हटले आहे. या घटकांसह, बँकांसाठी ऑपरेटिंग वातावरण आश्वासक राहील.

रेटिंग एजन्सीकडून काय अपेक्षा आहेत?

मूडीजला अपेक्षा आहे की, बँकांच्या मालमत्तेची गुणवत्ता पुढील दीड वर्षात चांगली राहील, अनुकूल ऑपरेटिंग वातावरण आणि कंपन्यांच्या ताळेबंदात सुधारणा यामुळे मदत होईल.