Retail iinflation: महागाईच्या आघाडीवर सरकारला मोठा दिलासा मिळाला आहे. अन्नधान्याच्या किमती कमी झाल्याने किरकोळ चलनवाढीचा दर नोव्हेंबरमध्ये 11 महिन्यांच्या नीचांकी 5.88 टक्क्यांवर आला. नॅशनल स्टॅटिस्टिकल ऑफिस (NSO) ने सोमवारी जारी केलेल्या आकडेवारीनुसार, रिझर्व्ह बँक ऑफ इंडिया (RBI) च्या कम्फर्ट झोनमध्ये किरकोळ चलनवाढीची 11 महिन्यांतील ही पहिलीच वेळ आहे.

गेल्या डिसेंबरमध्ये महागाई दर किती होता?

किरकोळ महागाई दर दोन ते सहा टक्क्यांच्या दरम्यान ठेवण्याची जबाबदारी आरबीआयवर आली आहे. ग्राहक किंमत निर्देशांक (CPI) आधारित किरकोळ महागाई ऑक्टोबर 2022 मध्ये 6.77 टक्के आणि गेल्या वर्षी नोव्हेंबरमध्ये 4.91 टक्के होती. NSO च्या आकडेवारीनुसार, अन्नधान्याचा महागाई (Inflation) दर मागील महिन्यात 7.01 टक्क्यांवरुन 4.67 टक्क्यांवर आला आहे.

तसेच, किरकोळ चलनवाढीचा दर जानेवारीपासून मध्यवर्ती बँकेच्या सहा टक्क्यांच्या मर्यादेच्या वर राहिला आहे. आता तो 11 महिन्यांच्या नीचांकी पातळीवर आला आहे. डिसेंबर 2021 मध्ये किरकोळ चलनवाढीचा दर 5.66 टक्के होता. महागाई नियंत्रणात आणण्यासाठी RBI ने गेल्या आठवड्यात रेपो रेट 0.35 टक्क्यांनी वाढवून 6.25 टक्के केला होता.