रिझर्व्ह बँक ऑफ इंडिया (Reserve Bank Of India) UPI पेमेंटवर शुल्क आकारण्याच्या तयारीत आहे. नोटाबंदीनंतर गेल्या 5 वर्षांत, युनिफाइड पेमेंट इंटरफेस (Unified Payment Interface) किंवा UPI सेवा वापरण्याचे प्रमाण वाढले आहे. भारतातील डिजिटल पेमेंटच्या बाबतीत, UPI हे सामान्य लोकांसाठी तसेच छोट्या व्यावसायिकांसाठी सर्वात मोठा आधार म्हणून उदयास आले आहे. UPI च्या आगमनाने ऑनलाइन पेमेंट करणे खूप सोपे झाले आहे. आता पैसे खिशात ठेवण्याऐवजी लोक UPI द्वारे पैसे भरणे हा सोपा पर्याय आहे असं मानतात.

यूपीआयच्या वाढत्या ट्रेंडनंतर आता रिझर्व्ह बँक ऑफ इंडिया यातून पैसे कमविण्याचा विचार करत आहे. रिझर्व्ह बँक ऑफ इंडियाने अलीकडेच एक प्रस्ताव सादर केला आहे. ज्यामध्ये असे म्हटले आहे की, ग्राहकांना UPI द्वारे पेमेंट करण्यासाठी आता पैसे मोजावे लागतील. हे बँकेकडून केलेल्या IMPS पेमेंटसारखे असू शकते.

पेमेंट सिस्टीममध्ये चार्जेसवरील डिस्कशन पेपर नावाने प्रसिद्ध झालेल्या या पेपरमध्ये असे म्हटले आहे की भारतीय रिझर्व्ह बँक आता UPI पेमेंटसाठी देखील पैसे आकारू इच्छित आहे. UPI पेमेंट सिस्टम ही बँकेच्या IMPS सारखी आहे आणि बँका IMPS साठी शुल्क आकारतात, त्यामुळे UPI पेमेंटवर देखील शुल्क आकारले जावे.

बँकांनी अशी प्रणाली बनवावी जेणेकरून UPI ​​पेमेंट कोणत्याही अडचणीशिवाय करता येईल. यामुळे बँकांवरील बोजा वाढेल आणि UPI पेमेंटसाठी ग्राहकांकडून शुल्क आकारून त्याची भरपाई करावी असे आरबीआयने या अहवालात म्हटले आहे.