Ration Card Rules: तुम्हीही राशनकार्डधारक असाल तर तुमच्यासाठी एक महत्त्वाची बातमी आहे. केंद्र सरकारकडून लाखो राशनकार्डधारकांना मोफत राशन सुविधा दिली जात आहे.
सरकारने (Government) जाहीर केले आहे की, या वर्षी म्हणजे 2023 मध्येही राशनकार्डधारकांना मोफत राशनचा लाभ मिळत राहील, मात्र अनेक अपात्र लोक मोफत राशनचा लाभ घेत असल्याचे दिसून आले आहे, त्यामुळे या लोकांवर मोठी कारवाई केली जाईल.
यासाठी अशा लोकांनी स्वतःहून त्यांचे राशनकार्ड (Ration Card) रद्द करुन घ्यावीत, असे आवाहन शासनाच्या वतीने जनतेला करण्यात येत आहे. राशनकार्ड रद्द न झाल्यास खाद्य विभागाचे पथक पडताळणीनंतर ते रद्द करेल. अशा लोकांवरही कारवाई होऊ शकते.
जर एखाद्या कार्डधारकाकडे 100 चौरस मीटरचा प्लॉट/फ्लॅट किंवा चारचाकी वाहन /ट्रॅक्टर, शस्त्र परवाना, गावात दोन लाखांपेक्षा जास्त आणि शहरात तीन लाखांपेक्षा जास्त कौटुंबिक उत्पन्न, स्वतःच्या उत्पन्नातून कमावलेले असेल, तर अशा लोकांना त्यांचे राशनकार्ड तहसील आणि डीएसओ कार्यालयात सरेंडर करावे लागेल.
शासनाच्या नियमानुसार राशनकार्डधारकाने कार्ड सरेंडर केले नाही तर अशा लोकांची कार्डे तपासणीअंती रद्द केली जातील. यासोबतच त्या कुटुंबावर कायदेशीर कारवाईही होऊ शकते. एवढेच नाही तर अशा लोकांकडून ते ज्या वेळेपासून राशन घेत आहे, त्यावेळेस राशनही वसूल केले जाईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.