Pradhan Mantri Mudra Yojana: मोदी सरकार अनेक योजना राबवत आहे. या योजनांचा लाभ मोठ्याप्रमाणात जनतेला मिळत आहे. यासोबतच पीएम मोदींच्या माध्यमातून एक योजना सुरु झाली आहे, ज्याद्वारे लोक आपला व्यवसाय सुरु करु शकतात. या योजनेचे नाव 'प्रधानमंत्री मुद्रा योजना', असे आहे. या योजनेतर्गंत लाभार्थी 10 लाख रुपयांपर्यंतचे कर्ज घेऊ शकतात.

प्रधानमंत्री मुद्रा योजना

प्रधानमंत्री मुद्रा योजना ही पंतप्रधान नरेंद्र मोदी यांनी सुरु केलेली योजना आहे. या योजनेद्वारे लोकांना विविध श्रेणीनुसार रक्कम उपलब्ध करुन दिली जाते. या योजनेंतर्गत लोकांना तीन श्रेणींमध्ये कर्ज दिले जाते. तिन्ही श्रेणींमध्ये विविध कर्ज सुविधा उपलब्ध आहेत.

कर्जाची रक्कम

दरम्यान, 8 एप्रिल 2015 रोजी ही योजना सुरु करण्यात आली. या योजनेअंतर्गत लोकांना व्यवसायासाठी कर्ज उपलब्ध करुन दिले जाते. या योजनेत लोकांना 'शिशू' अंतर्गत 50,000 रुपयांपर्यंत कर्ज दिले जाते.

याशिवाय 'किशोर' अंतर्गत लोकांना 50 हजार ते 5 लाख रुपयांपर्यंतचे कर्ज उपलब्ध करुन दिले जाते. तर 'तरुण' अंतर्गत 5 लाखांपेक्षा जास्त कर्ज (Loan) मिळते. या अंतर्गत 5 लाख ते 10 लाख रुपयांपर्यंतचे कर्ज दिले जाते.

लोक उद्योजक बनण्याची इच्छा पूर्ण करु शकतात

या योजनेद्वारे कर्ज घेऊन लोक उद्योजक बनण्याची इच्छा पूर्ण करु शकतात. याद्वारे छोटे व्यावसायिक त्यांच्या आर्थिक गरजा पूर्ण करु शकतात. यासोबतच लोक कर्जाच्या रकमेतून त्यांचा व्यवसाय (Business) वाढवू शकतात.