PM Kisan 13th Installment: पीएम किसान सन्मान निधी योजनेंतर्गत सरकार शेतकऱ्यांच्या खात्यात वार्षिक 6000 रुपये म्हणजेच 2000 रुपये असे तीन हप्ते पाठवते. पण, आतापर्यंत या योजनेत अनेक बदल झाले आहेत. कधी अर्जाबाबत तर कधी पात्रतेबाबत अनेक नवे नियम बनवले आहेत. आता या योजनेत पती-पत्नी दोघांनाही पीएम किसान सन्मान निधी योजनेचा लाभ मिळण्याबाबत बोलले जात आहे. त्याचे नियम जाणून घेऊया.
जाणून घ्या कोणाला मिळणार फायदा?
पीएम किसान (PM Kisan) योजनेच्या नियमांनुसार पती आणि पत्नी दोघेही पीएम किसान सन्मान निधी योजनेचा (PM Kisan Benefits) लाभ घेऊ शकत नाहीत. जर कोणी असे केले तर त्याला खोटे ठरवून सरकार त्याच्याकडून वसुली करेल. याशिवाय शेतकरी अपात्र ठरणाऱ्या अशा अनेक तरतुदी आहेत. अपात्र शेतकऱ्यांनी या योजनेचा लाभ घेतल्यास त्यांना सर्व हप्ते सरकारला (Government) परत करावे लागतील. या योजनेच्या नियमांतर्गत शेतकरी कुटुंबात कोणी कर भरल्यास या योजनेचा लाभ मिळणार नाही. म्हणजेच पती-पत्नीपैकी एकाने गेल्या वर्षी आयकर भरला असेल, तर त्यांना या योजनेचा लाभ मिळणार नाही.
कोण अपात्र आहेत?
नियमानुसार, जर एखादा शेतकरी (Farmer) आपली शेतजमीन शेतीच्या कामासाठी वापरत नसेल तर इतर कामांसाठी किंवा इतरांच्या शेतात शेतीची कामे करत असेल आणि शेत त्याच्या मालकीचे नसेल. अशा शेतकऱ्यांनाही या योजनेचा लाभ घेता येणार नाही. जर एखादा शेतकरी शेती करत असेल, पण शेत त्याच्या नावावर नसून वडिलांच्या किंवा आजोबांच्या नावावर असेल, तर त्यालाही या योजनेचा लाभ मिळणार नाही.
त्यांनाही लाभ मिळणार नाही
जर कोणी शेतजमिनीचा मालक असेल, पण तो सरकारी कर्मचारी असेल किंवा सेवानिवृत्त, विद्यमान किंवा माजी खासदार, आमदार, मंत्री असेल तर असे लोकही या योजनेच्या लाभासाठी अपात्र आहेत. व्यावसायिक नोंदणीकृत डॉक्टर, अभियंता, वकील, चार्टर्ड अकाउंटंट किंवा त्यांचे कुटुंबीयही अपात्रांच्या यादीत येतात. आयकर भरणाऱ्या कुटुंबांनाही या योजनेचा लाभ मिळणार नाही.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.