PM Kisan 20th Installment: पीएम किसान सन्मान निधीच्या 20 व्या हप्त्याची लाभार्थी वाट पाहत आहेत. लवकरच कोट्यवधी शेतकऱ्यांसाठी आनंदाची बातमी येऊ शकते. पीएम किसानचा पुढील हप्ता जून 2025 मध्ये जाहीर होण्याची शक्यता वर्तवली जात आहे. वृत्तानुसार, शेतकऱ्यांना जून महिन्यात 20 व्या हप्त्याची भेट मिळू शकते. तथापि, अद्याप या संदर्भात कोणतीही अधिकृत घोषणा झालेली नाही. या योजनेअंतर्गत पात्र शेतकऱ्यांना 2000 रुपये मिळतात.
पंतप्रधान किसान योजनेचा 19वा हप्ता 24 फेब्रुवारी 2025 रोजी जाहीर करण्यात आला होता, ज्याचा फायदा 2.4 कोटी महिला शेतकऱ्यांसह (Farmer) 9.9 कोटींहून अधिक शेतकऱ्यांना झाला होता. 18वा हप्ता ऑक्टोबर 2024 मध्ये जाहीर करण्यात आला आणि 17 वा हप्ता जून 2024 मध्ये वितरित करण्यात आला होता.
पंतप्रधान किसान योजनेअंतर्गत पात्र शेतकऱ्यांना दर चार महिन्यांनी 2000 रुपये मिळतात, जे वार्षिक 6,000 रुपये इतके आहेत. हे पैसे दरवर्षी एप्रिल-जुलै, ऑगस्ट-नोव्हेंबर आणि डिसेंबर-मार्च या तीन हप्त्यांमध्ये दिले जातात. ही रक्कम थेट लाभार्थ्यांच्या बँक खात्यात हस्तांतरित केली जाते. या योजनेची घोषणा तत्कालीन अर्थमंत्री पियुष गोयल यांनी 2019 च्या अंतरिम अर्थसंकल्पात केली होती आणि नंतर पंतप्रधान नरेंद्र मोदी यांनी ती सुरु केली होती. ही आता जगातील सर्वात मोठी थेट लाभ हस्तांतरण योजना बनली आहे.
हप्ते मिळवण्यासाठी, शेतकऱ्यांना त्यांचे ई-केवायसी पूर्ण करावे लागेल. योजनेच्या अधिकृत वेबसाइटनुसार, "पीएम किसान (PM Kisan) नोंदणीकृत शेतकऱ्यांसाठी ई-केवायसी अनिवार्य आहे. ओटीपी-आधारित ई-केवायसी पीएम किसान पोर्टलवर उपलब्ध आहे, किंवा बायोमेट्रिक-आधारित ई-केवायसीसाठी जवळच्या सीएससी केंद्रांशी संपर्क साधता येतो."
1. अधिकृत वेबसाइट - pmkisan.gov.in ला भेट द्या.
2. आता, पेजच्या उजव्या बाजूला असलेल्या 'नो युअर स्टेटस' टॅबवर क्लिक करा.
3. तुमचा नोंदणी क्रमांक एंटर करा आणि कॅप्चा कोड भरा आणि 'डेटा मिळवा' पर्याय निवडा.
4. तुमचे लाभार्थी स्टेटस स्क्रीनवर दिसेल.
पहिला टप्पा: पीएम किसानच्या अधिकृत वेबसाइट www.pmkisan.gov.in ला भेट द्या.
दुसरा टप्पा: 'लाभार्थी यादी' टॅबवर क्लिक करा.
तिसरा टप्पा: ड्रॉप-डाउनमधून राज्य, जिल्हा, उपजिल्हा, ब्लॉक आणि गाव यासारखे तपशील निवडा.
चौथा टप्पा: 'रिपोर्ट मिळवा' टॅबवर क्लिक करा.
यानंतर, लाभार्थींची यादी प्रदर्शित होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.