Paytm कंपनीने आपल्या IPO मधून ग्राहकांना आणखीन आनंदची बातमी दिली आहे. डिजिटल पेमेंट प्लॅटफॉर्म कंपनी पेटीएमने सांगितले आहे की कंपनी आता 18300 कोटी रुपयांचा IPO आणणार आहे. यापूर्वी बाजार नियामक सेबीने 16600 कोटींचा IPO मंजूर केला होता. सूत्रांनी दिलेल्या माहितीनुसार, कंपनीची सर्वात मोठी शेअरहोल्डर अलीबाबा ग्रुप फर्म अँट फायनान्शियल्स आणि सॉफ्टबँकसह इतर विद्यमान गुंतवणूकदारांनी पेटीएममधील त्यांचे बहुसंख्य हिस्सेदारी विकण्याचा निर्णय घेतला आहे.(Paytm IPO size increased now company will launch IPO for18300 cr)

याआधी, कंपनीची योजना IPO द्वारे एकूण रु. 16,600 कोटी उभारण्याची होती, ज्यामध्ये रु. 8,300 कोटींचा नवीन इश्यू आणि रु. 8,300 कोटींचा ओपन फॉर सेलचा समावेश होता. विद्यमान शेअरधारकांनी अधिक हिस्सा विकण्याच्या निर्णयामुळे OFS चा आकार रु. 1,700 कोटींनी वाढून रु. 10,000 कोटी रुपये होईल.

सध्या पेटीएममध्ये अँट फायनान्शियलचा 29.6 टक्के हिस्सा आहे. आयपीओ आणल्यावर, कंपनीची हिस्सेदारी 25 टक्क्यांपेक्षा कमी करावी लागेल. असे मानले जाते की OFS च्या माध्यमातून ती सुमारे 5000 कोटींचे शेअर्स विकेल.याशिवाय कंपनीत सॉफ्ट बँकेची हिस्सेदारी 19.60 टक्के, एलिव्हेशन कॅपिटलची 17.20 टक्के, कंपनीचे संस्थापक विजय शेखर शर्मा यांची हिस्सेदारी 14.60 टक्के, जॅक माची कंपनी अलिबाबाची 7.2 टक्के, वॉरेन बफेटची कंपनी द हॅके 28 टक्के आणि कंपनीचे संस्थापक विजय शेखर शर्मा यांची हिस्सेदारी 7.2 टक्के आहे. इतरांचा वाटा 9 टक्क्यांच्या जवळपास आहे. ही भागीदारी पेटीएमची मूळ कंपनी One97 कम्युनिकेशनमध्ये आहे.

ब्लूमबर्गने पेटीएमचे मूल्य 25-30 अब्ज डॉलर ठेवले आहे. पेटीएम स्वतःसाठी 20-22 अब्ज डॉलर मूल्याची अपेक्षा करत आहे. नोव्हेंबर 2019 मध्ये कंपनीला 1 डॉलर बिलियनची गुंतवणूक मिळाली होती. त्यावेळी त्याचे मूल्य 16 अब्ज डॉलर सेट करण्यात आले होते. पेटीएमचा IPO हा भारताच्या इतिहासातील सर्वात मोठा IPO असेल.