NPS Account By CKYC: तुम्हीही निवृत्तीची योजना आखत असाल आणि NPS खाते उघडू इच्छित असाल तर तुमच्यासाठी एक आनंदाची बातमी आहे. पेन्शन फंड नियामक आणि विकास प्राधिकरण (PFRDA) ने NPS खाते उघडण्यासाठी नियम बदलले आहेत. पीएफआरडीएने सांगितले की, आता नॅशनल पेन्शन सिस्टम (एनपीएस) खाते देखील सेंट्रल केवायसी (सीकेवायसी) द्वारे उघडले जाऊ शकते.
पीएफआरडीएने दिलेली माहिती
पीएफआरडीएने दिलेल्या माहितीनुसार, सीकेवायसीद्वारे होणारी संपूर्ण प्रक्रिया पेपरलेस असेल. वास्तविक, CKYC मध्ये फक्त एकदाच KYC करणे आवश्यक आहे. त्यानंतर, वित्तीय सेवा संस्थांमध्ये CKYC नंतर खाते उघडणे सोपे होते. कारण गुंतवणूकदारांना (Investors) KYC साठी कागदपत्रे सादर करण्याची आवश्यकता नसते.
NPS खाते उघडणे सोपे झाले
फायनान्शियल एक्स्प्रेसमधील एका अहवालानुसार, 'पोस्ट सेंट्रल केवायसी (सीकेवायसी) तुम्ही तुमच्या वित्तीय संस्थेमध्ये केवायसी फॉर्म पुन्हा भरण्यास मोकळे आहात. काही वर्षांपूर्वीच केंद्र सरकारने (Central Government) ही सुविधा सुरु केली आहे. CKYC चे व्यवस्थापन सेन्ट्रल रजिस्ट्री ऑफ सिक्युरिटायझेशन अॅसेट रिकन्स्ट्रक्शन अँड सिक्युरिटी इंटरेस्ट ऑफ इंडिया म्हणजेच, CERSAI द्वारे केले जाते. या अंतर्गत तुम्हाला तुमची संपूर्ण KYC माहिती फक्त एका नंबरवर मिळेल.
CKYC सह NPS खाते कसे उघडावे
1. यासाठी, तुम्ही प्रथम http://www.camsnps.com च्या नोंदणी पेजवर जा आणि तिथे विनंती केलेली माहिती भरा.
2. आता Open New Account वर क्लिक करा.
3. आता तुमच्या मोबाईलवर OTP येईल, तो नेमलेल्या ठिकाणी टाका.
4. पॅन, जन्मतारीख आणि ईमेल/मोबाईल क्रमांक टाकल्यास, तुमचे केवायसी तपशील स्क्रीनवर दिसतो.
5. आता CKYC मध्ये उपलब्ध तपशीलांसह पुढे जाण्यासाठी 'YES' वर क्लिक करा.
6. आता तुम्ही अर्जदाराचा प्रकार आणि स्टेटस वर क्लिक करा.
7. आता इथे ग्राहकाचे नाव CKYC मध्ये उपलब्ध असलेल्या फील्डमध्ये दिसेल. CKYC मध्ये दिलेली जन्मतारीख देखील दिसेल. याशिवाय वडिलांचे नाव, आईचे नाव आणि लिंग इत्यादी देखील पाहिले जाईल. ते संपादित देखील केले जाऊ शकते.
8. CKYC मध्ये उपलब्ध असलेल्या ग्राहकाचा पत्ता देखील अॅड्रेस फील्डसमोर आपोआप भरला जाईल.
9. सर्व डेटा प्रविष्ट केल्यानंतर, अकनॉवलेजमेंट नंबर जेनेरेट करा.
10. हा अकनॉवलेजमेंट नंबर ग्राहकाला एसएमएस आणि ईमेलद्वारे पाठवला जाईल.
11. CKYC मध्ये उपलब्ध सदस्यांचा फोटो स्क्रीनवर दिसेल आणि स्वाक्षरी देखील ऑटो-पॉप्युलेट होईल.
अशा प्रकारे तुम्ही तुमचे NPS खाते घरी बसून सहज उघडू शकता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.