Natural Gas Price Hiked: सणासुदीच्या काळात सर्वसामान्यांना मोठा झटका बसला आहे. नैसर्गिक वायूच्या किमती 40 टक्क्यांनी वाढून विक्रमी उच्चांकावर पोहोचल्या आहेत. त्यामुळे आता महिन्याच्या 1 तारखेला होणाऱ्या एलपीजीच्या आढाव्यात एलपीजीच्या किमतीतही वाढ होण्याची शक्यता वर्तवली जात आहे. एवढेच नाही तर आता ग्राहकांना सीएनजी-पीएनजीसाठीही जास्त किंमत मोजावी लागणार आहे.

सीएनजी-पीएनजीच्या किमती वाढणार!

या वाढीनंतर आता ऑक्टोबरच्या सुरुवातीपासून एलपीजीच्या (LPG) किमती वाढण्याची शक्यता वर्तवली जात आहे. 1 ऑक्टोबर रोजी होणाऱ्या किमतींच्या आढाव्यात नैसर्गिक वायूच्या किमती वाढवल्या जाऊ शकतात. वास्तविक, दर सहा महिन्यांनी सरकार दर ठरवते. दरवर्षी 1 एप्रिल आणि 1 ऑक्टोबर रोजी हा आढावा घेतला जातो. आता नैसर्गिक वायूच्या दरात वाढ झाल्याने सीएनजीच्या किमतीत वाढ होण्याची शक्यता वर्तवली जात आहे.

कच्च्या तेलाच्या दरातही वाढ झाली

याशिवाय, शुक्रवारी कच्च्या तेलाच्या किमतीत वाढ झाली. कच्च्या तेलाच्या किमती 27 रुपयांनी वाढून 6,727 रुपये प्रति बॅरलवर पोहोचल्या. मल्टी कमोडिटी एक्स्चेंजवर, ऑक्टोबर महिन्यात वितरणासाठी कच्च्या तेलाच्या कराराच्या किमतीत वाढ झाली आहे. ऑक्टोबरमधील डिलिव्हरीचा करार 27 रुपये किंवा 0.4 टक्क्यांनी वाढून 6,727 रुपये प्रति बॅरल झाला.