अर्थसंकल्प 2021 मध्ये घोषित करण्यात आले होते की, कर्मचारी भविष्य निर्वाह निधी (EPF) आणि ऐच्छिक भविष्य निर्वाह निधी (VPF) वर आर्थिक वर्षात 2.5 लाख रुपयांपेक्षा जास्त योगदान करपात्र स्वरूपाचे असेल. सेंट्रल बोर्ड ऑफ डायरेक्ट टॅक्सेस (CBDT) ने 31 ऑगस्ट 2021 रोजी अतिरिक्त ईपीएफ योगदानावरील व्याजाच्या कर आकारणीसंदर्भातील नियम अधिसूचित केले आहेत. या अधिसूचनेनुसार, करपात्र व्याजाची गणना करण्याच्या हेतूने, भविष्य निधी खात्यामधील स्वतंत्र खाती 2021-22 या आर्थिक वर्षात त्या दरम्यान ठेवली जातील.

31 मार्च 2021 पर्यंत एखाद्या व्यक्तीने केलेले कोणतेही योगदान करविरहित योगदान मानले जाईल. पुढील आर्थिक वर्ष 2021-22 पासून, या दोन्ही ईपीएफ खात्यांवर व्याजाची स्वतंत्रपणे गणना केली जाईल. CBDT च्या अधिसूचनेत असे म्हटले आहे की हे नियम 1 एप्रिल 2022 पासून लागू होतील. अशा प्रकारे, आर्थिक वर्ष 2021-22 मध्ये अतिरिक्त योगदानावर मिळवलेल्या व्याजावरचा कर तुम्हाला भरावा लागेल आणि तुम्हाला तुमच्या पुढील वर्षीच्या टॅक्स रिटर्न फाईलिंग आयकरात ते नमुद करावे लागेल.

या योजनेत अडीच लाख रुपयांची मर्यादा बिगर सरकारी कर्मचाऱ्यांसाठी आहे. तर सरकारी कर्मचाऱ्यांच्या बाबतीत, लागू होणारी मर्यादा 5 लाख रुपये आहे. 5 लाख रुपयांपेक्षा जास्त गुंतवणूक असल्यास कर्मचाऱ्याना EPF आणि VPF व्याज करपात्र स्वरूपात द्यावे लागणार.

फेब्रुवारी 2021 मधील अर्थसंकल्पाच्या घोषणेत करपात्र स्वरूपात व्याजाची गणना कशी केली जाईल आणि कर नसलेल्या भागापासून वेगळे कसे केले जाईल याबद्दल अधिक माहीती देण्यात आली नाही. त्यामुळे नवीन CBDT अधिसूचनेत करपात्र व्याजाची गणना कोणत्या स्वरूपात केली जाईल यावर प्रकाश टाकण्यात आला आहे.

"या यंत्रणेला आर्थिक वर्ष 2021-2022 आणि त्यानंतरच्या आर्थिक वर्षांसाठी भविष्य निर्वाह निधी खात्यात स्वतंत्र खात्यांची देखभाल आवश्यक आहे ज्यात करपात्र योगदान आणि व्यक्तीने केलेले नॉन-करपात्र योगदान राखले जाईल. यात अनिवार्यपणे भविष्य निर्वाह निधीची शिल्लक 31 मार्च 2021 रोजी, आर्थिक वर्ष 2021-22 आणि त्यानंतरच्या वर्षांमध्ये केली जाईल," असे रितेश कुमार. एस. यांनी सांगितले. "करपात्र योगदानामध्ये केवळ 2021-22 दरम्यान कर्मचार्याने दिलेल्या योगदानात 2.5 लाख/5 लाख रुपयांपेक्षा जास्त (म्हणजे करपात्र मर्यादेपेक्षा जास्त रक्कम) रकमेवरील व्याजासह समाविष्ट असेल. त्यातही हे पैसे काढण्यातांना आत्यावश्यक कारण असेल तरच ते गृहीत धरल्या जाईल," असेही त्यांनी सांगितले.

अधिसूचनेत काय म्हटले

भविष्य निर्वाह निधी किंवा मान्यताप्राप्त निधीमध्ये योगदान देण्याशी संबंधित करपात्र व्याजाची गणना, निर्दिष्ट मर्यादेपेक्षा जास्त कलम (11) कलम (12) आणि (10) च्या पहिल्या आणि दुसऱ्या तरतुदीच्या नुसार, उत्पन्न मागील वर्षात जमा झालेले व्याज जे वरील कलमांखालील व्यक्तीच्या एकूण उत्पन्नात समाविष्ट करण्यापासून मुक्त नाही (यापुढे या नियमात करपात्र व्याज म्हणून संदर्भित आहे), करपात्रात मागील वर्षात जमा झालेले व्याज म्हणून गणना केली जाईल.