Indigo Airline Offer: तुमचाही येत्या काही दिवसांत विमानाने प्रवास करण्याचा प्लॅन असेल तर आता इंडिगो एअरलाइन तुमच्यासाठी खास ऑफर आणली आहे, ज्यामध्ये तुम्ही स्वस्तात तिकीट बुक करु शकता.
आता कंपनीने प्रवाशांना तिकिटावर 2000 रुपयांपर्यंत सूट देण्याचा निर्णय घेतला आहे. कंपनीची ही ऑफर 2 ऑगस्ट 2023 ते 4 ऑगस्ट 2023 पर्यंत वैध आहे. इंडिगोने ट्विट करुन याबाबत माहिती दिली आहे.
इंडिगोने दिलेल्या माहितीनुसार, त्यांच्या ऑपरेशनला आता 17 वर्षे पूर्ण झाली आहेत. या निमित्ताने कंपनी प्रवाशांना (Passengers) सवलतीचा लाभ देत आहे. कंपनीने 'अ‍ॅनिव्हर्सरी सेल' सुरु केला आहे. कंपनी तिकीट बुकिंगवर ग्राहकांना 17 टक्के सूट देत आहे.
यासोबतच ही ऑफर सर्व प्रकारच्या ग्राहकांसाठी उपलब्ध असल्याचे कंपनीने सांगितले आहे. कंपनीने या ऑफरला 'HappyIndiGoDay' असे नाव दिले आहे. या सगळ्याशिवाय यावेळी कंपनीने ग्राहकांना त्यांची आवडती सीट निवडण्याचे स्वातंत्र्य दिले आहे. यासाठी तुम्हाला 17 रुपयाचे पेमेंट करावे लागेल.
इंडिगो एअरलाइनने सांगितले की, तुम्ही कोणत्याही वेबसाइट किंवा मोबाइल अॅपवरुन तिकीट बुक करु शकता. तुम्हाला सर्व प्रकारच्या तिकिटांवर सूट मिळत आहे. सवलतीची मर्यादा रु.2,000 पर्यंत आहे.
याशिवाय, ग्राहकांना क्रेडिट कार्ड (Credit Card) ऑफर्सचाही लाभ मिळत आहे. अमेरिकन एक्सप्रेस आणि एचएसबीसीच्या क्रेडिट कार्डवर तिकीट बुकिंगच्या वेळी तुम्हाला अतिरिक्त सवलत मिळेल. या कार्डांद्वारे पेमेंट केल्यावर तुम्हाला कॅशबॅकचा लाभ मिळेल.
अमेरिकन एक्सप्रेसच्या ग्राहकांसाठी, 5,000 रुपयांच्या किमान ऑर्डर मूल्यावर 2,000 रुपयांपर्यंतचा कॅशबॅक असेल. दुसरीकडे, तुम्ही HSBC च्या क्रेडिट कार्डने पेमेंट केल्यास ग्राहकांना रु.3500 च्या ऑर्डर मूल्यावर 5 टक्के अतिरिक्त कॅशबॅक मिळेल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.