क्रिप्टो चलन अस्तित्वात येऊन आता बराच काळ लोटला आहे. जगभरात आता हे चलन स्वीकारले जात आहे. अमेरिकेचे राष्ट्राध्यक्ष डोनाल्ड ट्रम्प यांनी नवीन मीम कॉईन लॉन्च करण्याची घोषणा केलीय. तर, दुसरीकडे बिटकॉईनची किंमत देखील एक कोटींच्या घरात पोहोचली आहे. भारतात मात्र अजुनही क्रिप्टो चलनाबाबत अनेक संभ्रम आहेत.

क्रिप्टो चलन काय आहे? ते कसं काम करतं? भारतात ते कोठुन आणि कसं खरेदी करता येईल? याबाबत अनेकांना पुरेशी माहिती नाही. याचबाबत सविस्तर माहिती जाणून घेणार आहोत.

क्रिप्टो चलन काय आहे?

क्रिप्टो चलन एक डिजीटल अभासी चलन आहे. चलनाच्या आदान – प्रदानासाठी क्रिप्टोग्राफी या सुरक्षीत प्रणालीचा वापर केला जातो. बिटकॉईन, इथेरियम, टीथर, बिनेंस कॉईन असे काही क्रिप्टो चलनाचे प्रकार आहेत.

भारतात कोठे खरेदी करता येईल क्रिप्टो चलन?

भारतात क्रिप्टो चलन खरेदी करण्याचे विविध पर्याय उपलब्ध आहेत. CoinDCX, Coinswithc, coinbase यासारख्या काही प्लॅटफॉर्मवरुन क्रिप्टो चलन खरेदी करता येऊ शकते. दरम्यान, क्रिप्टो चलन खरेदी करण्यापूर्वी प्लॅटफॉर्मबाबत पुरेशी माहिती घ्यावी. योग्य अभ्यास करुन क्रिप्टो चलन खरेदीचा निर्णय घेण्याचा सल्ला गुंतवणूक क्षेत्रातील तज्ञ देतात.

क्रिप्टो खरेदी करण्याची पद्धत काय आहे?

१)  क्रिप्टो चलन खरेदी करण्यापूर्वी संबधित एक्सचेंज प्लॅटफॉर्मचा खोलवर अभ्यास करुन माहिती घ्यावी, आणि अकाऊंट सुरु करावे.

२)  खाते उघडल्यानंतर प्राथमिक केवायसी पूर्ण करुन घ्यावी. यासाठी आधार, पॅन कार्ड आणि सेल्फी घ्यावी लागेल.

३)  खाते उघडण्याची संपूर्ण प्रक्रिया पार पडल्यानंतर खात्यात १०० ते त्यापेक्षा अधिक पैसे जमा करावे लागतील.

४)  आता एक्सचेंजवरुन तुम्हाला हवा तो क्रिप्टो चलन निवडून, खात्यात उपलब्ध पैशानुसार ऑर्डर द्यावी.

५)  ऑर्डर दिल्यानंतर काही वेळातच क्रिप्टो चलन तुमच्या डिजीटल खात्यात जमा होईल.

क्रिप्टोत गुंतवणूक करताना लक्षात ठेवण्याच्या काही महत्वाच्या टीप्स

क्रिप्टो व्यवहारात वेगाने चढ – उतार होत असतात त्यामुळे येथे व्यवहार करताना फार काळजीपूर्वक करावेत.

क्रिप्टोत तुम्ही गुंतवणूक करण्यासाठी नवीन असाल तर सुरुवात कमी रक्कमेतून करावी.

खरेदी – विक्री व्यवहारासाठी विश्वासार्ह प्लॅटफॉर्मची निवड करावी. व्यवहार करण्यापूर्वी चांगला अभ्यास करावा.