भाजपचे खासदार वरुण गांधी यांनी पुन्हा एकदा आपल्याच सरकारविरोधात आवाज उठवला आहे.आजपासून पॅकेज केलेल्या उत्पादनांवर लागू होणाऱ्या जीएसटी (GST) बाबत त्यांनी सरकारला गोत्यात आणले आहे. वरुण गांधी यांनी ट्विट केले की, आजपासून दूध,दही,लोणी,तांदूळ,डाळी,ब्रेड या पॅकेज्ड उत्पादनांवर जीएसटी लागू होणार आहे.

जीएसटी (GST) कौन्सिलच्या निर्णयाची अंमलबजावणी झाल्यानंतर सोमवारपासून विविध खाद्यपदार्थ महाग झाले आहेत. यामध्ये पिठ,चीज आणि दही यांसारख्या पॅकेज केलेले आणि लेबल केलेले पदार्थ समाविष्ट आहेत. त्यावर पाच टक्के जीएसटी भरावा लागणार आहे. तसेच 5,000 रुपयांपेक्षा जास्त भाड्याने घेतलेल्या हॉस्पिटलच्या रूमवरही जीएसटी (GST) भरावा लागेल. याशिवाय दररोज 1,000 रुपयांपेक्षा कमी भाड्याने देणाऱ्या हॉटेलच्या खोल्यांवर 12 टक्के दराने कर आकारण्याचे सांगण्यात आले आहे.