Earning From Stock Market: शेअर बाजारातून गुंतवणूकदार प्रचंड नफा कमावत आहेत. भारताशिवाय जागतिक बाजारपेठेतही गुंतवणूकदार करोडपती होत आहेत. आज आम्ही तुम्हाला अशा विद्यार्थ्याबद्दल सांगणार आहोत, ज्याने स्टॉक मार्केटमध्ये 215 कोटी रुपये गुंतवले आणि एक महिन्यानंतरच स्टॉक विकला. एका महिन्यात त्याला सुमारे 878 कोटी रुपये मिळाले, म्हणजेच या विद्यार्थ्याने अवघ्या एका महिन्यात 664 कोटी रुपये कमावले.

अमेरिकेतील विद्यार्थी

हे प्रकरण अमेरिकेतील (America) आहे. या 20 वर्षीय विद्यार्थ्याचे नाव 'जेक फ्रीमन', असे आहे. तो दक्षिण कॅलिफोर्निया विद्यापीठाचा विद्यार्थी आहे. या विद्यार्थ्याने (Student) बेड बाथ अँड बियॉन्ड कंपनीचे शेअर्स (Shares) खरेदी केले होते, ज्यातून त्याने करोडोंची कमाई केली.

440 रुपये दराने सुमारे 50 लाख शेअर्स खरेदी केले

या विद्यार्थ्याने 440 रुपये दराने सुमारे 50 लाख शेअर्स खरेदी केले होते. अवघ्या एका महिन्यात या शेअरचे मूल्य 2160 च्या पातळीवर पोहोचले, त्यानंतर जेकने हे शेअर्स विकले. जेकने सांगितले की, 'कुटुंबीयांकडून आणि मित्रांकडून पैसे घेऊन ते शेअर बाजारात गुंतवले होते.'

जेकने काही खास गोष्टी सांगितल्या

DailyMail.com ला दिलेल्या मुलाखतीत जेकने सांगितले की, 'पालकांना वाटते की, कदाचित माझे कोणीतरी अपहरण करेल, परंतु मला असे अजिबात वाटत नाही.' जेक पुढे म्हणाला की, 'काकांबरोबर शेअर्ससंबंधी चर्चा केल्यानंतर त्यांनी सुमारे 200 कोटी रुपयांची गुंतवणूक केली होती.'