India-Pakistan Trade Dainik Gomantak
अर्थविश्व

India-Pakistan Trade: सीमेवर संघर्ष, पण व्यापारात नफा; भारत-पाकिस्तान व्यापाराची आकडेवारी घ्या जाणून...

केंद्र सरकारने संसदेत दिली माहिती, 2021 च्या तुलनेत दुप्पट वाढ

Akshay Nirmale

India-Pakistan Trade: एरवी पाकिस्तानकडे आपले शत्रू राष्ट्र म्हणून पाहिले जात असले तरी भारत-पाकिस्तानमध्ये व्यापारही होत असतो. गतवर्षात या व्यापाऱ्याने 1.35 अब्ज डॉलर्सची पातळी गाठली आहे.

म्हणजे भारतीय रूपयांत विचार करायचा झाल्यास 1,11,54,51,00,000 रूपयांचा व्यापार गतवर्षी एप्रिल ते डिसेंबर या काळात दोन्ही देशांमध्ये झाला आहे.

वाणिज्य आणि उद्योग राज्यमंत्री अनुप्रिया पटेल यांनी लोकसभेत लेखी उत्तरातून ही माहिती दिली आहे. पटेल यांनी सांगितले की, एप्रिल ते डिसेंबर 2022 या काळात दोन्ही देशांत एकूण $1.35 अब्ज डॉलरचा व्यापार झाला, जो 2021-22 या आर्थिक वर्षातील $516.36 दशलक्षच्या तुलनेत जवळपास दुप्पट आहे.

यासोबतच त्यांनी भारताच्या चीनसोबतच्या व्यापाराचा लेखाजोखाही संसदेसमोर मांडला. एप्रिल-डिसेंबर 2022 मध्ये भारत आणि चीनमध्ये एकूण $87 अब्ज डॉलरचा व्यापार झाला आहे.

भारत-पाकिस्तानमधील व्यापारात वाढ

भारत-पाकिस्तान व्यापाराबद्दल बोलायचे झाले तर, 2019 नंतर दोन्ही देशांमधील व्यापारात सर्वाधिक वाढ झाली आहे. 2019 मध्ये जम्मू-काश्मीरमधील कलम 370 हटवल्यानंतर पाकिस्तानने अधिकृतपणे भारतासोबतचा व्यापार बंद करण्याचा निर्णय घेतला होता. या निर्णयानंतर दोन्ही देशांमधील व्यापारात वाढ होण्याची ही पहिलीच वेळ आहे.

2019 मध्ये कलम 370 हटवल्यानंतर भारत-पाकिस्तान या दोन्ही देशांमधील व्यापार जवळपास थांबला होता. अर्थात यात भारतापेक्षा जास्त नुकसान पाकिस्तानचेच होत होते. कारण पाकिस्तान बऱ्याच गोष्टींसाठी भारतावर अवलंबून होता.

2019-20 मध्ये किती व्यवसाय झाला?

2020-21 या आर्थिक वर्षात केवळ 329.26 दशलक्ष डॉलरचा व्यवहार झाला. तर 2019-20 मध्ये ते 830.58 अब्ज डॉलर होते. 2021-22 या आर्थिक वर्षात ते 516.36 दशलक्ष डॉलर इतका वाढला होता. आता एप्रिल ते डिसेंबर 2022 या काळात हा व्यापार 1.35 अब्ज डॉलरपर्यंत वाढला आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

E-Waste: प्रत्येक नव्या खरेदीमागे जुन्या उपकरणांचा कचरा वाढतो, तोच ढीग गंभीर समस्या म्हणून उभा राहतो; ई-कचऱ्याचा विळखा

Super Cup: सुपर कपचा बिगुल! 25 ऑक्टोबरपासून रंगणार थरार; FC Goa समोर विजेतेपद राखण्याचे खडतर आव्हान

Goa Taxi: 'टॅक्‍सी ॲग्रीगेटर जबरदस्तीने लादणार नाही'! गुदिन्‍होंची हमी; सरकारकडे सुमारे 3500 सूचना, हरकती

Panaji: ‘बोर्डवॉक’ची पणजी महानगरपालिका दुरुस्ती करणार? 2 वर्षांपासून दुर्दशा; धोका असूनही नागरिकांचा वावर

Chandel Hasapur: सरपंचालाच मिळाली सरकारी नोकरी, पदासह दिला पंच सदस्यत्वाचा राजीनामा; चांदेल हसापूरमध्ये रंगणार रस्सीखेच

SCROLL FOR NEXT