Foreign Exchange Law: परकीय चलन व्यवस्थापन कायद्याचे ( FEMA) उल्लंघन केल्याबद्दल अंमलबजावणी संचालनालयाच्या (Ed) न्यायिक प्राधिकरणाने अ‍ॅम्नेस्टी इंडिया इंटरनॅशनलला 51.72 कोटी रुपये आणि पूर्व सीईओ आकार पटेल यांना 10 कोटी रुपयांचा दंड ठोठावला आहे. फेमाचे उल्लंघन केल्याबद्दल प्राधिकरणाने कंपनी आणि पूर्व सीईओ पटेल यांना कारणे दाखवा नोटीसही बजावली आहे. हे प्रकरण FEMA च्या कथित उल्लंघनाशी संबंधित आहे. देशातील सामाजिक उपक्रमांच्या नावाखाली अ‍ॅम्नेस्टी इंटरनॅशनलला यूकेने 51.72 कोटींचा निधी दिला आहे.

दरम्यान, ED ने FEMA कायद्याचे उल्लंघन केल्याबद्दल ऍम्नेस्टी इंडिया आणि कंपनीच्या पूर्व सीईओवर कोट्यवधी रुपयांचा दंड ठोठावला आहे. तसेच या दोघांना कारणे दाखवा नोटीसही बजावण्यात आली आहे. एका निवेदनात, ईडीच्या अधिकाऱ्याने म्हटले आहे की, "ईडीने जारी केलेल्या कारणे दाखवा नोटीसमध्ये अनेक गंभीर आरोप करण्यात आले आहेत. ईडी आणि सीबीआय 2018 पासून पीएमएलए अंतर्गत त्याची सतत चौकशी करत होते.

ED च्या न्यायिक प्राधिकरणाने दिलेल्या माहितीनुसार, अ‍ॅम्नेस्टी इंडिया इंटरनॅशनल ही अ‍ॅम्नेस्टी इंटरनॅशनल लिमिटेड यूके (UK) अंतर्गत एक भारतीय संस्था आहे, जी देशातील सामाजिक उपक्रमांसाठी स्थापन करण्यात आली होती.