Atal Pension Yojana: केंद्र सरकार अनेक योजना राबवत आहे. यातच, तुम्हीही अटल पेन्शन योजनेत पैसे गुंतवले असतील तर मोदी सरकारकडून एक मोठी अपडेट समोर आली आहे. यावेळी देशातील करोडो लोक सरकारी योजनांचा लाभ घेत आहेत.
दरम्यान, अटल पेन्शन योजनेचा लाभ घेणाऱ्यांच्या संख्येत दरवर्षी 28 टक्क्यांनी वाढ होत असल्याची माहिती सरकारकडून देण्यात आली आहे. यासह या योजनेला जवळपास 8 वर्षे पूर्ण झाली आहेत.
तीन योजनांच्या आकडेवारीचा उल्लेख करुन, सीतारामन यांनी सांगितले की, 26 एप्रिल 2023 पर्यंत PMJJBY अंतर्गत 16.2 कोटी, PMSBY अंतर्गत 34.2 कोटी आणि APY अंतर्गत 5.2 कोटी नावनोंदणी करण्यात आली आहे.
MyGovIndia ने आपल्या अधिकृत ट्विटमध्ये लिहिले आहे की, अटल पेन्शन योजना त्यांच्यासाठी आशेचा किरण बनली आहे, ज्यांच्याकडे पूर्वी पेन्शन कव्हरेज नव्हते. देशभरातील गरीब आणि गरजू लोक या योजनेचा लाभ घेत आहेत. नागरिक त्यांच्या सुवर्ण वर्षांमध्ये आरामदायी जीवनाची खात्री करत आहेत.
अटल पेन्शन योजनेत अभूतपूर्व वाढ होत आहे. आतापर्यंत सुमारे 5.20 कोटी ग्राहक (Customer) या योजनेत सामील झाले आहेत. यासोबतच या योजनेत 45 टक्क्यांहून अधिक महिलांची नोंदणी झाली आहे.
अटल पेन्शन योजना ही एक सामाजिक सुरक्षा योजना आहे, जी असंघटित क्षेत्रातील कामगारांना त्यांच्या कामाच्या वर्षांमध्ये अल्प प्रमाणात योगदान देऊन त्यांचे भविष्य सुरक्षित करु देते.
या योजनेंतर्गत, वयाच्या 60 वर्षांनंतर, ग्राहकांना मासिक पेन्शन (Pension) 1,000 रुपये ते 5,000 रुपये प्रति महिना अशी हमी दिली जाते. तथापि, पेन्शनची रक्कम या योजनेत जमा केलेल्या रकमेवर अवलंबून असते.=
दुसरीकडे, भारतीय नागरिक ज्यांचे वय 18-40 वर्षे आहे ते अटल पेन्शन योजनेत योगदान देण्यास आणि निवृत्तीनंतर निवृत्ती वेतन मिळवण्यास पात्र आहेत. मात्र, या योजनेचा लाभ घेण्यासाठी लोकांनी केवायसी केलेले बँक खाते असणे आवश्यक आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.