Gautam Adani Dainik Gomantak
अर्थविश्व

Adani Group: अदानी पुन्हा किंग! कंपनीच्या नफ्यात तब्बल एवढ्या टक्क्यांची वाढ, शेअर्स वधारले!

Adani Group Q1 Results 2023: अदानी समूहाने आज आपल्या कंपन्यांचे तिमाही निकाल जाहीर केले. अदानी ग्रीनच्या निव्वळ नफ्यात 51 टक्क्यांनी वाढ झाली आहे.

Manish Jadhav

Adani Group Q1 Results 2023: अदानी समूहाने आज आपल्या कंपन्यांचे तिमाही निकाल जाहीर केले. अदानी ग्रीनच्या निव्वळ नफ्यात 51 टक्क्यांनी वाढ झाली आहे. त्याचवेळी, अदानी एनर्जी सोल्युशन्सच्या निव्वळ नफ्यात 8 टक्क्यांनी वाढ झाली आहे.

चालू आर्थिक वर्षाच्या पहिल्या तिमाहीत अदानी ग्रीन एनर्जीचा निव्वळ नफा सुमारे 51 टक्क्यांनी वाढून 323 कोटी रुपयांवर पोहोचला आहे.

कंपनीने सोमवारी शेअर बाजाराला (Stock Market) दिलेल्या माहितीत सांगितले की, या तिमाहीत महसूलात वाढ झाल्यामुळे त्यांचा नफा वाढला आहे.

कंपनीचा निव्वळ नफा किती वाढला

गेल्या वर्षी याच तिमाहीत कंपनीचा निव्वळ नफा 214 कोटी रुपये होता. या तिमाहीत कंपनीचे एकूण उत्पन्न वाढून रु. 2,404 कोटी झाले आहे, जे मागील वर्षीच्या याच तिमाहीत रु. 1,701 कोटी होते.

देशातील सर्वात मोठी ऊर्जा कंपनी बनली

अदानी ग्रीन एनर्जीने सांगितले की, 8,316 मेगावॅट क्षमतेसह ती देशातील सर्वात मोठी अक्षय ऊर्जा कंपनी बनली आहे. एप्रिल ते जून या तिमाहीत 602.3 दशलक्ष युनिट वीज विकली गेली, जी गेल्या वर्षीच्या 355 दशलक्ष युनिटपेक्षा 70 टक्के अधिक आहे.

कंपनीचे सीईओ यांनी माहिती दिली

कंपनीचे मुख्य कार्यकारी अधिकारी अमित सिंग यांनी निवेदनात म्हटले आहे की, आमच्या टीमवर्कने मजबूत आर्थिक आणि ऑपरेशनल यश मिळवण्यात महत्त्वाची भूमिका बजावली आहे.

कंपनीने सौर, पवन आणि संकरित (सौर आणि पवन ऊर्जा एकाच ठिकाणी) प्रकल्पांद्वारे 2030 पर्यंत 45 GW (एक गिगावॅट बरोबरी 1,000 मेगावॅट) पर्यंत वाढवण्याचे लक्ष्य ठेवले आहे.

अदानी एनर्जी सोल्युशन्सचा नफा किती होता?

याशिवाय, चालू आर्थिक वर्षाच्या पहिल्या (एप्रिल-जून) तिमाहीत अदानी एनर्जी सोल्युशन्सचा एकात्मिक निव्वळ नफा आठ टक्क्यांनी वाढून रु. 181.98 कोटी झाला आहे. महसुलात वाढ झाल्यामुळे त्याचा नफा वाढला आहे.

अदानी एनर्जी सोल्युशन्स पूर्वी अदानी ट्रान्समिशन म्हणून ओळखले जात होते. मागील आर्थिक वर्षाच्या याच कालावधीत कंपनीचा निव्वळ नफा 168.46 कोटी रुपये होता.

समीक्षाधीन तिमाहीत कंपनीचे एकूण उत्पन्न (Income) वाढून रु. 3,772.25 कोटी झाले, जे मागील वर्षी याच कालावधीत रु. 3,249.74 कोटी होते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

पाहताक्षणी विजयनगर साम्राज्याच्या प्रेमात पडला होता पोर्तुगीज व्यापारी; वाचा 400 वर्षापूर्वीचे प्रवास वर्णन

Rashi Bhavishya 26 September 2025: कुटुंबात सौख्य वाढेल, प्रेमसंबंधात गोडवा; परदेशातून शुभवार्ता येणार

Jasprit Bumrah: आधीही चुकीचा होतास आत्ताही! रोहित-सूर्याच्या कप्तानीखाली गोलंदाजीची तुलना करणाऱ्या कैफला बुमराहने दिलं सडेतोड उत्तर

धक्कादायक! शेवपुरी खाणं बेतलं जीवावर, दोडामार्गच्या 35 वर्षीय तरुणाचा गोव्यात मृत्यू

Child Health Tips: पालकांनो, दुर्लक्ष नका करु! मुलांच्या आरोग्यासाठी वर्षातून एकदा हिमोग्लोबिन तपासणी का करावी? योग्य पातळी किती असावी? जाणून घ्या

SCROLL FOR NEXT