7th Pay Commission DA Hike: केंद्रीय कर्मचाऱ्यांसाठी महागाई भत्ता वाढण्यापूर्वीच एक मोठी आनंदाची बातमी आली आहे. कर्मचाऱ्यांचा पगार लवकरच वाढणार असल्याचे सरकारने सांगितले आहे. कर्मचाऱ्यांना मिळणारा DA 42 टक्क्यांवरुन 50 टक्क्यांपर्यंत वाढेल... होय, यामुळे केंद्रीय कर्मचाऱ्यांच्या पगारात थेट दरमहा 9000 रुपयांची वाढ होणार आहे. सरकार डीए कधी वाढवणार आहे ते आम्ही तुम्हाला सांगणार आहोत.

जुलैमध्ये वाढ होईल

सरकारने (Government) मार्च महिन्यात केंद्रीय कर्मचार्‍यांचा महागाई भत्ता 4 टक्क्यांनी वाढवला आहे, त्यानंतर महागाई भत्ता 42 टक्के झाला आहे. ही वाढ जानेवारी 2023 पासून लागू झाली. आता पुढील महागाई भत्ता जुलै 2023 पासून जाहीर होणार आहे. पुढील वाढ देखील 4 टक्क्यांनी होईल अशी शक्यता आहे.

पगारात बंपर वाढ होणार आहे वाढत्या महागाईच्या काळात कर्मचाऱ्यांच्या भत्त्यात चांगली वाढ होणार आहे. कर्मचाऱ्यांच्या (Employees) महागाई भत्त्यामुळे आगामी काळात पगारवाढ होऊ शकते.

50 टक्क्यांवर पोहोचल्यानंतर DA शून्य होईल

महागाई भत्त्याचा नियम असा आहे की, जेव्हा सरकारने 2016 मध्ये 7 वा वेतन आयोग लागू केला तेव्हा, त्यावेळी महागाई भत्ता शून्य करण्यात आला होता. नियमांनुसार, महागाई भत्ता 50 टक्क्यांपर्यंत पोहोचताच तो शून्यावर आणला जाईल आणि 50 टक्क्यांनुसार कर्मचाऱ्यांना भत्ता म्हणून मिळणारे पैसे मूळ वेतनात म्हणजेच किमान वेतनात जोडले जातील.

पगारात 9000 रुपयांनी वाढ होणार आहे

जर एखाद्या कर्मचाऱ्याचा मूळ पगार 18000 रुपये असेल तर त्याला 50% DA पैकी 9000 रुपये मिळतील. परंतु, DA 50% झाल्यानंतर, तो मूळ पगारात जोडला जाईल आणि पुन्हा महागाई भत्ता शून्यावर आणला जाईल.