7th pay commission: केंद्र सरकारच्या लाखो कर्मचाऱ्यांसाठी मोठी बातमी आहे. तुम्हीही 18 महिन्यांच्या DA थकबाकीच्या नवीन अपडेटची वाट पाहत असाल तर तुमच्यासाठी एक महत्त्वाची बातमी आहे. 18 ऑगस्ट 2022 रोजी राष्ट्रीय परिषदेचे सचिव (स्टाफ साइड) शिव गोपाल मिश्रा यांनी कॅबिनेट सचिव आणि राष्ट्रीय परिषदेचे अध्यक्ष यांना पत्र पाठवले आहे. या पत्रात कर्मचाऱ्यांच्या डीएच्या थकबाकीबाबत चर्चा करण्यात आली आहे.

नोव्हेंबरनंतर होणार चर्चा!

नोव्हेंबर महिन्यात या विषयावर कॅबिनेट सचिवांशी चर्चा होऊन लाखो कर्मचाऱ्यांना त्यांच्या डीएची थकबाकी मिळू शकेल, अशी अपेक्षा आहे. याबाबत सरकारकडून सध्या काहीही सांगण्यात आलेले नाही.

पैसे कर्मचाऱ्यांना दिले जातील

या पत्रात 18 महिन्यांच्या डीए थकबाकीबाबत माहिती देण्यात आली आहे. सचिव आणि राष्ट्रीय परिषदेचे सदस्य थकित देयकावर चर्चा करतील. कर्मचाऱ्यांची 18 महिन्यांची थकबाकी देण्याबाबत चर्चा करता येईल, तसेच देयकही देता येईल. सुप्रीम कोर्टाने (Supreme Court) आपल्या निर्णयात असेही म्हटले होते की, कोरोना संकटामुळे पेन्शन आणि पगार तात्पुरते थांबवले जात आहेत. जेव्हा देशभरात परिस्थिती सामान्य होईल, तेव्हा त्याचे पैसे कर्मचाऱ्यांना दिले जातील.

40,000 कोटी सरकारी बचत

त्यासोबतच हा कर्मचाऱ्यांचा (Employees) हक्क असून त्यांना हे पैसे मिळायला हवेत, असे न्यायालयात सांगण्यात आले. डीए आणि डीआर न भरल्याने अशा कर्मचाऱ्यांचे हाल झाले. सरकारी आकडेवारीनुसार, कर्मचाऱ्यांचा 11 टक्के डीए बंद करुन सरकारने 40,000 कोटी रुपयांची बचत केली होती.

पंतप्रधान मोदींनी कोणताही निर्णय घेतला नाही

केंद्र सरकारने (Central Government) 18 महिन्यांची थकबाकी भरल्यास त्याचा थेट फायदा देशातील 48 लाख कर्मचारी आणि 64 लाख पेन्शनधारकांना होणार आहे. केंद्रीय कर्मचार्‍यांनाही पंतप्रधान मोदींनी विनंती केली होती, मात्र आजपर्यंत याबाबत कोणताही निर्णय झालेला नाही.