DA Hike in Himachal Pradesh: सरकारी कर्मचाऱ्यांसाठी पुन्हा एकदा आनंदाची बातमी आली आहे. हिमाचल प्रदेश सरकारने सध्याच्या कर्मचाऱ्यांना दुहेरी आनंदाची बातमी दिली आहे.
राज्य सरकारने सरकारी कर्मचाऱ्यांची जुनी पेन्शन बहाल करण्यासोबतच महागाई भत्त्यात (DA Hike) करण्याची घोषणा केली आहे.
सरकारने डीए वाढवण्याच्या घोषणेचा फायदा 2.15 लाख कर्मचारी आणि 1.90 लाख पेन्शनधारकांना होणार आहे.
हिमाचल सरकारकडून कर्मचारी आणि पेन्शनधारकांसाठी डीएमध्ये 3 टक्के वाढ करण्यात आली आहे. पूर्वी 31 टक्क्यांऐवजी आता 34 टक्के डीए मिळेल.
सरकारने दिलेल्या माहितीनुसार, 3% डीए वाढीमुळे हिमाचल प्रदेश सरकारच्या (Government) तिजोरीवर सुमारे 500 कोटींचा अतिरिक्त बोजा पडेल.
याशिवाय सीएम सुखविंदर सिंग सुक्खू यांनी जून 2023 पासून स्पितीच्या 18 वर्षांपेक्षा जास्त वयाच्या 9,000 महिलांना 1,500 रुपये मासिक भत्ता देण्याची घोषणा केली.
सरकारकडून DA आणि DR वर्षातून दोनदा वाढवले जाते. सरकारी कर्मचाऱ्यांना महागाई भत्ता (DA) आणि पेन्शनधारकांना महागाई सवलत (DR) दिली जाते.
दुसरीकडे, हिमाचल सरकारने 1 एप्रिल 2023 पासून जुनी पेन्शन योजना पुनर्संचयित करण्यासाठी अधिसूचना जारी केली आहे.
याचा फायदा राज्य सरकारच्या 1.36 लाख कर्मचाऱ्यांना (Employees) होणार आहे. या कर्मचाऱ्यांना नॅशनल पेन्शन स्कीम (NPS) अंतर्गत कपातीचा सामना करावा लागणार नाही.
राज्याच्या मुख्य सचिवांनी ओपीएस लागू करण्यासाठी अधिसूचना जारी केली आहे. 2022 च्या विधानसभा निवडणुकीत काँग्रेसने जुनी पेन्शन (OPS) बहाल करण्याचे आश्वासन दिले होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.