Rani Mukerji on Mardani 3: अभिनेत्री राणी मुखर्जीचं सध्या मिसेस चॅटर्जी विरुद्ध नॉर्वे या चित्रपटासाठी जोरदार चर्चा होत आहे. पण राणी मात्र या आनंदात रमण्यापेक्षा पुढच्या चित्रपटाची तयारी करत आहे. राणी मुखर्जी आता मर्दानी 3 या चित्रपटाच्या तिसऱ्या भागाची तयारी करत आहे.
म्हणजेच आता गुन्हेगारांना घाम फोडायला शिवानी रॉय लवकरच पुन्हा एकदा पोलीस दलात दाखल होत आहे. 'मर्दानी' च्या दोन्ही भागांना प्रेक्षकांकडून चांगलीच पसंती मिळाली होती.
नुकत्याच दिलेल्या एका मुलाखतीत राणी म्हणाली “मला आशा आहे की लेखक पुढील भाग लवकर डेव्हलप करतील. मर्दानी ३ कधी येणार हे मला अनेकांनी विचारले आहे. पण चित्रपट हा स्क्रिप्टवर चालतो हे मी नेहमीच मांडले आहे.
पुढे राणी म्हणाली जर स्क्रिप्ट रोमांचक नसेल, तर चित्रपट बनवण्यात काही अर्थ नाही,” 2014 मध्ये मर्दानी समोर आला होता. त्याच्या जबरदस्त यशानंतर 2019 मध्ये दिग्दर्शक गोपी पुथरान यांनी त्याचा सिक्वेल तयार केला".
कॉप थ्रिलरच्या तिसर्‍या भागासाठी राणी तयारी करत असताना, मिसेस चॅटर्जी विरुद्ध नॉर्वेला मिळालेल्या प्रेक्षकांच्या प्रतिसादाने मुखर्जी खूश आहेत.
आशिमा छिब्बर दिग्दर्शित जो सागरिका चक्रवर्ती हिने तिच्या दोन मुलांच्या ताब्यासाठी नॉर्वेजियन अधिकार्‍यांविरुद्ध केलेल्या प्रदीर्घ संघर्ष या चित्रपटात पाहायला मिळाला.
राणी म्हणते. “मला चित्रपट करताना बरे वाटले. असं मला शेवटच्या वेळी प्रकर्षाने जाणवलं होतं ते ब्लॅक दरम्यान." राणी मुखर्जीला तिच्या ब्लॅक चित्रपटाच्यावेळी मिळालेला एक अद्भुत अनुभव या चित्रपटाच्या वेळी मिळाला असं तिचं मत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.