2022 सालीअगदी मोजक्याच हिट ोज झालेला RRR हा चित्रपट सुपरहिट ठरला होता. त्यातील 'नाटु नाटु' हे गाणंही लोकांना आवडलं होतं. या गाण्याला ऑस्कर पुरस्कारासाठीही नामांकन मिळाले होते.
आता या गाण्याला सर्वोत्कृष्ट मूळ गाण्याच्या श्रेणीत गोल्डन ग्लोब पुरस्कार मिळाला आहे, ज्याची माहिती गोल्डन ग्लोबच्या अधिकृत ट्विटर हँडलवर शेअर करण्यात आली आहे.
हा पुरस्कार जिंकल्यानंतर आरआरआर या चित्रपटाची सर्वत्र चर्चा होत आहे. ही बातमी मिळताच पंतप्रधान नरेंद्र मोदी यांनीही 'नाटु नाटु' या गाण्याला गोल्डन ग्लोब पुरस्कार मिळाल्याबद्दल सगळ्या कलाकारांचे अभिनंदन केले.
या वर्षी गोल्डन ग्लोब अवॉर्ड्सची 80 वा साोहळा अमेरिकेतील कॅलिफोर्नियामधील बेव्हरली हिल्स येथील बेव्हरली हिल्टन येथे सुरू झाला आहे.
यामध्ये RRR या भारतीय चित्रपटातील 'नाटु नाटु' या गाण्याला सर्वोत्कृष्ट मूळ गाण्याच्या श्रेणीत पुरस्कार मिळाला. असे ट्विट पंतप्रधान नरेंद्र मोदी यांनी केले आहे. त्यांनी लिहिले- एका अतिशय विशेष कामगिरीसाठी प्रेरणा - @mmkeeravaani , प्रेम रक्षित, काल भैरव, चंद्रबोस @Rahulsipligunj, मी अभिनंदन करतो -@ssrajamouli , @tarak9999, @AlwaysRamCharan, आणि संपूर्ण टीम @RRRMovie, या प्रतिष्ठित सन्मानामुळे प्रत्येकाचा गौरव झाला आहे. भारतीयांचा अभिमान.
स्वत: पंतप्रधान मोदींनी अशा जबरदस्त शुभेच्छा दिल्यामुळे RRRची टीम भारावुन गेली असेल हे नक्की. पंतप्रधान मोदी हे नेहमीच देशातल्या कुठल्याही क्षेत्रातल्या व्यक्तीने एखादी गौरवास्पद कामगिरी केली कि त्याचं कौतुक करतातच.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.