Imran Hashmi : 'मर्डर'चा तो इंटिमेट सीन पाहुन पत्नी इतकी चिडली की, इम्रानच्या हातातून रक्त आलं...

इम्रान हाश्मी हा बॉलिवूडचा असा अभिनेता आहे ज्याने वेगवेगळ्या भूमीकांमधून आपल्या सकस अभिनयाची झलक दाखवून दिली आहे. चाहते सलमान खानच्या टायगर 3 ची आतुरतेने वाट पाहत आहेत, ज्यामध्ये इमरान हाश्मीचीही चर्चा होत आहे. 

निर्मात्यांनी या चित्रपटात इमरानबद्दल काहीही सांगितले नाही, परंतु सेटवरील अभिनेत्याचे अनेक फोटो आणि व्हिडिओ सोशल मीडियावर समोर आले आहेत, ज्यामुळे चाहत्यांमध्ये खळबळ उडाली आहे. 'टायगर 3'मध्ये इमरान हाश्मी खलनायकाच्या भूमिकेत दिसणार असल्याची चर्चा आहे.

 गेल्या काही काळापासून इमरान हाश्मी आता चित्रपटांमध्ये पूर्णपणे वेगळी भूमिका साकारताना दिसत आहे. पण एक काळ असा होता जेव्हा इमरान हाश्मी चित्रपटांमध्ये चुंबन आणि इंटिमेट सीन्स खूप करत असे. यामुळे त्याला 'सिरियल किसर'चा टॅगही मिळाला. 

पण या इंटिमेट सीन्समुळे एकदा इमरान हाश्मीच्या पत्नीने त्याच्यावर चांगलाच राग काढला होता. असे काही घडले की इमरान हाश्मीच्या पत्नीने त्याच्या हातातून रक्त काढले.

2004 मध्ये आलेल्या 'मर्डर' चित्रपटात मल्लिका शेरावतसोबत इमरान हाश्मीने बरेच इंटिमेट आणि किसिंग सीन केले होते तेव्हा हे घडले होते. 

इमरान हाश्मीने एकदा करण जोहरच्या चॅट शो 'कॉफी विथ करण'मध्ये सांगितले होते की ते इंटीमेट सीन पाहून त्याची पत्नी परवीनने कशी प्रतिक्रिया दिली होती. इम्रान हाश्मीच्या पत्नीने थिएटरमध्ये इंटिमेट सीन पाहिले होते आणि तेव्हाच इम्रानसोबत ही घटना घडली. 

इमरान हाश्मीने सांगितले होते की, जेव्हा तो पत्नी परवीनसोबत त्याचा 'मर्डर' चित्रपट थिएटरमध्ये पाहत होता, तेव्हा ती इंटिमेट सीनवर भडकली होती. अभिनेत्याच्या म्हणण्यानुसार ते पहिल्या सीटवर बसले होते.

 पत्नी परवीन पडद्यावर इमरान हाश्मीचे इंटिमेट सीन पाहत होती आणि अभिनेत्याच्या हातात नखे खोदत होती. तिला खूप राग आला. असे केल्याने इमरान हाश्मीच्या हातातून रक्त वाहू लागलं. 

इमरान हाश्मीने सांगितले होते की, ती दृश्ये पाहून परवीन रागाने त्याला म्हणाली होती की तू काय केलेस आणि का केले? तू मला यासाठी आधीच का तयार केले नाहीस? चित्रपट संपेपर्यंत इम्रानची अवस्था बिकट होती. हातातून रक्त येत होते. इम्रानच्या म्हणण्यानुसार, त्याच्या पत्नीने त्याला पडद्यावर असे सीन करणे अद्याप स्वीकारलेले नाही.